2 Corinto 7:13 - Marahay na Bareta Biblia

¹³ An ginibo nindo nagtao samo nin karangahan. Bako sanang naranga kami, kundi orog na naogma sa kaogmahan ni Tito, dahel ta kamo gabos nagtabang sa pagranga saiya!

2 Corinto 7:13 ပူးပေါင်းရင်းမြစ်များ

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

Roma 15:32

Kun boot nin Dios, maabot ako saindong pano nin kaogmahan, dangan makapagpapahingalo ako sa kaibahan nindo.

1 Corinto 12:26

Kun nakukulogan an sarong kabtang, an gabos man nakukulogan. Kun inoomaw an sarong kabtang, an gabos nakikihiras sa kaogmahan.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

1 Corinto 16:18

pinaogma ninda ako, siring na pinaogma ninda kamo. An siring na mga tawo dapat na midbidon.

2 Corinto 2:13

Alagad nahadit ako nin marahay huli ta dai ko nakua si Tito na satong tugang. Kaya nagpaaram ako sa mga tawo duman, saka nagdagos sa Macedonia.

2 Corinto 2:3

Kaya sinuratan ko kamo kaidto tanganing pagdiyan ko saindo, dai ako mapamondo kan mismong mga tawo na dapat magpaogma sako. Huli ta naniniwala ako na kun maogma ako, maogma man kamo.

2 Corinto 7:14

Ipinag-orgulyo ko kamo saiya, asin dai man nindo ako ipinasopog. Danay na totoo an sinabi mi saindo; siring man, napatotoohan an ipinag-orgulyo mi ki Tito.

2 Corinto 7:15

Kaya an pagkamoot niya saindo nag-oorog, kun nagigiromdoman niya an pagkamakinuyog-kuyog nindo saiya, asin an pag-ako nindo saiya na may takot saka paggalang.

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.

Filipos 2:28

Kaya boot kong makadiyan na siya, tanganing magin maogma kamo pakahiling giraray saiya, asin tanganing dai na ako mahadit.

2 Timoteo 1:16

Maherakan logod nin Kagurangnan an pamilya ni Onesiforo, huli ta dakul na beses niya akong rinanga. Dai niya ikinasopog na nasa bilanggoan ako,

Filemon 1:20

Kaya, tugang ko, giboha ini para sako huli sa Kagurangnan; paogmaha an puso ko, bilang sarong tugang ki Cristo!

Filemon 1:7

An saimong pagkamoot, namomotan na tugang, nagtao sako nin dakulang kaogmahan saka karangahan, huli ta pinaogma mo an puso kan mga banal.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.