2 Corinto 7:10 - Marahay na Bareta Biblia

¹⁰ Huli ta an kamondoan na ginagamit nin Dios nagbubunga nin pagsolsol na minadara sa kaligtasan—iyan dai dapat pagbasolan! Alagad an kamondoan na itinatao kan kinaban nagdadara nin kagadanan.

2 Corinto 7:10 ပူးပေါင်းရင်းမြစ်များ

Genesis 30:1

Alagad mayo pa minsan sarong aki si Rachel kaya naara siya sa saiyang tugang. Sinabihan niya si Jacob, “Tawe ako nin mga aki ta kun dai, magagadan ako.”

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

2 Samuel 13:4

Sinabihan ni Jonadab si Amnon, “Aki nin hade, tano ta aroaldaw kang mamondo? Sabihan sako an saimong problema.” Nagsimbag si Amnon, “Namomoot ako ki Tamar, an tugang na babae kan tugang kong lalaki sa ama na si Absalom.”

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

1 Mga Hade 21:4

Nagpuli si Ahab na mamondo saka anggot huli kan sinabi saiya ni Nabot. Naghigda siyang nakaatubang sa lanob asin habong magkakan.

Salmo 38:18

Ikinukumpisal ko an sakong mga kasalan; ini sakuyang pinagsosolsolan.

Mga Talinhaga 15:13

An pusong magayagaya minapaogma nin lalawogon, alagad an pusong mamondo minapaluya nin boot.

Mga Talinhaga 15:15

Mapagal an lambang aldaw para sa nasasakitan, alagad an tawong maogma igwa nin nagdadanay na bangkete.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Mga Talinhaga 18:14

An pagmawot na mabuhay iyo an magpapakosog sa sarong naghehelang; alagad kun mawara iyan, mawawara man an saiyang huring paglaom.

Parahulit 7:3

An kamondoan mas marahay ki sa kaogmahan, huli ta maski nakakapamondo iyan nin lalawogon, nakakatao iyan nin pakasabot.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Jonas 4:9

Alagad sinabihan siya nin Dios, “May deretso ka daw na maanggot huli sa nangyari sa tinanom?” Nagsimbag si Jonas, “May deretso ako na maanggot—maanggot sagkod na magadan!”

Mateo 26:75

Dangan nagiromdoman ni Pedro an sinabi ni Jesus saiya, “Bago magturaok an manok, tolong beses mo akong nenegaran.” Nagluwas siya saka nagtangis nin mapait.

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

Lukas 18:13

Alagad an parasingil nin buhis na nakatindog sa harayo, dai nangangahas magtangad sa langit, kundi tinutumbok an saiyang daghan asin nagsasabi, ‘O Dios ko, kaheraki man ako na sarong parakasala!’

Mga Gibo 11:18

Kan madangog ninda ini, inontok ninda an pagtuyaw asin inomaw an Dios. Nagsabi sinda, “Kun siring, tinawan man nin Dios an mga pagano nin oportunidad na magsolsol tanganing magkamit nin buhay na daing kataposan!”

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

2 Corinto 12:21

Natatakot ako na pagdiyan ko liwat, sopogon ako kan sakong Dios sa saindong atubangan. Magmomondo ako saka magtatangis huli sa dakul na tawong nagkasala kaidto, na dai nagsolsol kan mga karigsokan asin karompotan na saindang ginibo.

2 Corinto 7:9

Alagad ngunyan naoogma ako bakong huli ta napamondo ko kamo, kundi huli ta an saindong kamondoan nakapagpabakle kan saindong mga gawe. An kamondoan na idto ginamit nin Dios, kaya dai kami nakaginibo saindo nin karatan.

Hebreyo 12:17

Aram nindo na dai nahaloy, hinagad niya an bendisyon kan saiyang ama, alagad sinayumahan siya, huli ta maski nagparatangis siya, dai na mababago an ginibo niya.

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.