2 Corinto 6:7 - Marahay na Bareta Biblia

⁷ kan samong paghulit kan katotoohan, saka kan kapangyarihan nin Dios. An katanosan an ginagamit ming armas sa too asin sa walang kamot.

2 Corinto 6:7 ပူးပေါင်းရင်းမြစ်များ

Salmo 119:43

Tugote akong magtaram kan katotoohan sa gabos na panahon, huli ta an sakong paglaom yaon sa saimong paghukom.

Exodo 14:22

Nag-ibong sa dagat an mga Israelita na an linakawan iyo an mamarang daga na nasa pagultanan kan duwang lanob nin tubig.

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Isaias 11:5

Paghahadean niya an saiyang banwaan na may katanosan saka kaimbodan.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Markos 16:20

Nagralakaw an mga disipulo asin naghulit saen man na lugar. Tinabangan sinda kan Kagurangnan asin pinatunayan na an saindang ipinaghuhulit totoo huli sa mga milagro na saindang ginibo.] [

Mga Gibo 11:21

An kapangyarihan kan Kagurangnan yaon sainda, asin kadakul na tawo an nagtubod saka nagbalik sa Kagurangnan.

1 Corinto 1:24

Alagad para sa mga inapod nin Dios, Judio man o Griyego, si Cristo iyo an kapangyarihan asin an kadonongan nin Dios.

2 Corinto 13:4

Huli sa kaluyahan, ipinako siya sa krus, alagad huli sa kapangyarihan nin Dios buhay siya ngunyan. Dahel sa pakisumaro saiya, maluya man kami, alagad sa samong paglingkod saindo, mabubuhay kami kaiba niya huli sa kapangyarihan nin Dios.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.

2 Corinto 4:2

Isinikwal mi an gabos na hilom saka makasosopog na gibo; dai kami nandadaya. Dai mi man riniribayan an tataramon nin Dios kundi sinasabi ming hayag an katotoohan. Bahala na an konsyensya nin mga tawo na maghukom samo sa atubang nin Dios.

2 Corinto 7:14

Ipinag-orgulyo ko kamo saiya, asin dai man nindo ako ipinasopog. Danay na totoo an sinabi mi saindo; siring man, napatotoohan an ipinag-orgulyo mi ki Tito.

Efeso 1:13

Kamo man nagin banwaan nin Dios kan maaraman nindo an Marahay na Bareta na nagdara nin kaligtasan saindo. Nagtubod kamo ki Cristo, kaya ipinadara saindo an Espiritu Santo na ipinanuga niya bilang tanda na sadiri na kamo nin Dios.

Efeso 3:20

Sa Dios, na sa paagi kan saiyang kapangyarihan na naghahade sato nakakagibo kan gabos na bagay labi pa sa satong hinahagad o iniisip,

Efeso 4:21

Nakadangog na kamo dapit saiya; bilang mga parasunod niya, tinukdoan na kamo kan mga katotoohan na yaon ki Jesus.

Colosas 1:5

Kan an totoong mensahe, an Marahay na Bareta, enot na ipaghulit saindo, nanodan nindo an paglaom na itinatangro saindo. Kaya an saindong pagtubod saka pagkamoot basado sa pinaglalaom nindo na tagama saindo sa langit.

1 Tesalonica 5:8

Alagad kita na mga aki nin liwanag dapat na malinaw an isip. Dapat na isulot ta an pagtubod saka an pagkamoot bilang pantahob sa daghan, saka an paglaom nin kaligtasan bilang helmet.

2 Timoteo 2:15

Giboha an saimong makakaya tanganing maoyonan ka nin Dios, bilang sarong paralingkod na dai nasosopog kan saiyang trabaho, asin sarong paratukdo kan mensahe nin katotoohan sa tamang paagi.

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

Hebreyo 2:4

Pinatunayan man iyan nin Dios sa paagi nin mga tanda, ngangalasan, manlaen-laen na milagro asin sa mga balaog na itinao nin Espiritu Santo sosog sa kabotan niya.

Santiago 1:18

Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.