2 Corinto 6:5 - Marahay na Bareta Biblia

⁵ sa panahon na kami hinampak, binilanggo, saka pinagsururogan; sa panahon nin pagtrabaho, sa pagpuka asin pagkagutom.

2 Corinto 6:5 ပူးပေါင်းရင်းမြစ်များ

1 Mga Hade 22:27

Sabihan nindo sinda na ibilanggo an tawong ini asin dikit sanang tinapay saka tubig an itao saiya sagkod na magbalik akong ligtas sa pag-alaman.”

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Jeremias 33:1

Nag-abot giraray sako an mensahe nin Kagurangnan kan ako bilanggo pa sa patyo.

Jeremias 38:6

Kaya kinua ninda ako saka itinunton sa bubon ni Prinsipe Malkias, na yaon sa patyo kan palasyo. Bakong tubig kundi laboy an laog kan bubon, asin nag-irarom ako sa laboy.

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Mateo 14:10

Kaya pinapugotan niya si Juan sa laog kan bilanggoan.

Mateo 14:3

Si Herodes an nagpadakop, nagpakadena saka nagpabilanggo ki Juan. An dahelan iyo si Herodias, na agom kan tugang niyang si Felipe.

Mateo 9:15

Nagsimbag si Jesus, “Magmomondo daw an mga bisita sa kinasal mantang kaiba pa ninda an nobyo? Alagad maabot an panahon na an nobyo hahaleon sa kaibahan ninda, dangan na sinda mag-aayuno!

Mga Gibo 13:3

Pakaayuno saka pakapamibi, idinuta ninda an saindang mga kamot ki Bernabe asin ki Saulo dangan dinespedir ninda an mga ini.

Mga Gibo 14:19

Nag-abot an nagkapirang Judio na hale sa Antiokia, sa Pisidia asin sa Iconio; napaoyon an mga tawo na kumampi sainda. Ginapo ninda si Pablo, ginuyod sa luwas kan banwa sa paghona na gadan na siya.

Mga Gibo 14:23

Nagbugtak si Pablo asin si Bernabe nin mga kamagurangan na mamamahala sa lambang simbahan. Pakapamibi saka pakaayuno ninda, idinusay ninda an mga ini sa pangataman kan Kagurangnan na tinutubod ninda.

Mga Gibo 17:5

Alagad naori an mga Judio, kaya tiniripon ninda an nagkapirang hampaslupa dangan pinaribok ninda an bilog na syudad. Sinakat ninda an harong ni Jason sa paghanap ki Pablo asin ki Silas tanganing iatubang sa mga tawo.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Mga Gibo 23:10

Kan nagin mainit an pasuruhay, natakot an komandante na tibaad gadanon ninda si Pablo. Kaya pinagbotan niya an mga soldados na agawon sainda si Pablo dangan ilaog sa kwartel.

Mga Gibo 23:35

nagsabi siya, “Dadangogon taka pag-abot kan mga nagsurumbong tumang saimo.” Dangan pinabantayan niya si Pablo sa palasyo ni Herodes.

Mga Gibo 24:27

Pakalihis nin duwang taon, nagin kasalihid ni Felix si Porcio Festo bilang gobernador. Alagad huli ta habo ni Felix na mamondo saiya an mga Judio, pinabayaan niya si Pablo sa bilanggoan.

Mga Gibo 26:10

Iyan an ginibo ko sa Jerusalem; bako sanang ipinabilanggo ko an mga banal huli sa kapangyarihan na inako ko sa mga poon na padi kundi kan hatolan sinda nin kagadanan, nag-oyon man ako.

Mga Gibo 26:29

Nagsimbag si Pablo, “Sa halipot o sa halawig man na panahon, an pamibi ko sa Dios iyo na bako sana ika kundi an gabos na nagdadangog sako ngunyan magin Cristianong arog sako—pwera kan mga kadenang ini!”

Mga Gibo 28:30

Duwang taon na nag-erok si Pablo duman sa harong na inarkila niya. Gabos na minaduman saiya pinapadagos niya.

Mga Gibo 5:18

Dinakop ninda an mga apostol saka ibinilanggo.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 4:11

Sagkod sa oras na ini nagtitios kami nin gutom saka paha; girisi na an samong gubing. Pinaghahampak kami asin mayo nin sadiring erokan;

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.

2 Corinto 11:27

Inagihan ko na an grabeng kapagalan, pirot, gutom saka paha; dakul na beses mayo akong maninigong pagkakan, mahigdaan o gubing.

Efeso 3:1

Huli kaini, ako, si Pablo, na bilanggo ki Cristo Jesus para sa karahayan nindong mga pagano, namimibi sa Dios.

Deuteronomio 25:3

Pwede siyang hampakon nin kwarentang beses alagad dai na magsobra diyan; huli ta kun magsobra diyan, masosopogan na siya sa publiko.

Filipos 1:13

Kaya aram na kan gabos na bantay kan palasyo saka kan ibang uya digdi, na ako nabilanggo huli ki Cristo.

1 Tesalonica 2:9

Giromdomon nindo, mga tugang, kun gurano an pagtrabaho saka pagmalasakit mi! Nagtrabaho kami aldaw-banggi tanganing dai kami makapagabat saindo mantang naghuhulit kami saindo kan Marahay na Bareta nin Dios.

1 Timoteo 4:10

Naghihingowa kami saka nagtatrabaho nin maigot, huli ta ibinugtak mi an samong paglaom sa buhay na Dios na Paraligtas kan gabos, orog na idtong mga nagtutubod saiya.

2 Timoteo 1:8

Kaya dai ka masopog na magpatotoo para sa satong Kagurangnan; dai mo man ako ikasopog, ako na nabibilanggo para saiya. Kundi akoon mo an saimong kabtang sa mga kasakitan dahel kan Marahay na Bareta, sa tabang kan kapangyarihan nin Dios.

2 Timoteo 2:9

Huli sa Marahay na Bareta, nagdudusa ako; nakakadenahan na garo sarong kriminal. Alagad an tataramon nin Dios dai nakakadenahan,

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

Hebreyo 11:36

May pinagtuya-tuya saka pinaghampak; may ginapos asin binilanggo.

Hebreyo 13:17

Kuyogon nindo an saindong mga lider saka sunodon nindo an saindang mga pagboot. Dai sinda nag-oontok sa pagbantay kan saindong mga kalag, huli ta aram nindang matao sinda nin kwenta sa Dios kan saindang paglingkod saiya. Kun kuyogon nindo sinda, maogma nindang gigibohon an saindang katongdan; kun dai, mamondo nindang gigibohon iyan asin mayo iyan nin pakinabang para saindo.

Hebreyo 13:23

Boot kong maaraman nindo na an satong tugang na si Timoteo pinaluwas na sa bilanggoan. Kun siya pumadigdi tolos sako, ipag-iiba ko siya pagsongko ko saindo.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.