2 Corinto 6:17 - Marahay na Bareta Biblia

¹⁷ “Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

2 Corinto 6:17 ပူးပေါင်းရင်းမြစ်များ

Esdras 10:11

Kaya ikumpisal nindo an saindong mga kasalan sa Kagurangnan, an Dios kan saindong mga ginikanan, asin kuyogon nindo an saiyang kabotan. Humarayo kamo sa mga dayuhan na nag-eerok sa satuyang daga asin suhayan nindo an saindong mga dayuhan na agom.”

Esdras 6:21

An mga sakripisyo kinakan kan gabos na nagbalik hale sa pagkatapokan asin kan lambang saro na nag-iba sainda saka nagbaya kan mga paganong gawe kan ibang banwaan, mga tawo na nag-eerok na ngunyan sa daga asin nagsasamba sa Kagurangnan, an Dios nin Israel.

Mga Talinhaga 9:6

Bayae an kamangmangan, asin mabubuhay ka. Sunoda an dalan nin pakaaram.”

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Jeremias 15:17

Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Mga Bilang 16:21

“Humarayo kamo sa mga tawong ini tanganing matunaw ko sinda tolos.”

Mga Bilang 16:26

Sinabihan niya an mga tawo, “Humarayo kamo sa mga tolda kan mga maraot na tawong ini. Dai nindo pagdutaan an ano man na pagsadiri ninda tanganing dai kamo matunaw kaiba ninda huli kan saindang mga kasalan.”

Mga Bilang 16:45

“Humarayo kamo sa mga tawong iyan asin tutunawon ko sinda tolos!” Nagdapa sindang duwa,

Mga Gibo 2:40

Sinadol sinda ni Pedro saka hinulitan, “Ligtasan nindo an saindong sadiri sa maraot na henerasyon na ini!”

Roma 15:7

Siring na kamo inako ni Cristo, siring man an gibohon nindo sa lambang saro para sa kamurawayan nin Dios.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Deuteronomio 14:6

Pwede nindong kakanon an ano man na hayop na baak an mga kuku asin minasapa kan saindang pagkakan.

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.