2 Corinto 6:16 - Marahay na Bareta Biblia

¹⁶ Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

2 Corinto 6:16 ပူးပေါင်းရင်းမြစ်များ

1 Mga Hade 18:21

Nagpaenotan si Elias asin nagsabi sa mga tawo, “Sagkod nuarin kamo magkakaigwa nin duwang pag-isip? Kun an Kagurangnan iyo an Dios, siya an sambahon nindo; alagad kun si Baal an Dios, siya an sambahon nindo!” Dai nagsimbag saiya an mga tawo.

Salmo 90:1

Kagurangnan, ika an samuyang erokan sa gabos na henerasyon.

Exodo 20:3

“Dai kamo nin ibang dios na sasambahon kundi ako sana.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 29:45

Mag-eerok ako sa kaibahan kan banwaan nin Israel, asin ako an magigin Dios ninda.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Jeremias 32:38

Dangan sinda an magigin banwaan ko, asin ako an magigin Dios ninda.

Ezekiel 11:20

Dangan maglalakaw sinda sosog sa sakong mga pagboot asin kukuyogon ninda an sakong mga togon. Sinda an magigin banwaan ko asin ako an magigin Dios ninda.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 36:28

Dangan mag-eerok kamo sa daga na itinao ko sa saindong mga ginikanan. Kamo an magigin banwaan ko asin ako an saindong magigin Dios.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Ezekiel 43:9

Ngunyan kaipuhan ontokon na ninda an pagsamba sa ibang mga dios-dios asin haleon na ninda an mga bangkay kan saindang mga hade, dangan maerok ako sa kaibahan ninda sagkod pa man.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Oseas 2:23

Papadanayon ko an sakong banwaan sa daga asin papauswagon ko sinda. Ipapahiling ko an pagkamoot sa mga inapod “Dai Namotan,” asin sa mga nginaranan “Bako Kong Banwaan.” Masabi akong, “Kamo an sakong banwaan,” asin masimbag sindang, “Ika an samong Dios.”

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Mateo 16:16

Nagsimbag si Simon Pedro, “Ika an Cristo, an Aki nin Dios na buhay.”

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Lukas 5:36

Inosipon man sainda ni Jesus an parabolang ini, “Mayo nin siisay man na minatabas nin sarong pedaso nin tela sa bagong gubing tanganing itagubhang sa daan na gubing. Kun gibohon niya ini, natabas lamang niya an bagong gubing alagad an itinagubhang bakong angay sa daan.

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Juan 6:56

An magkakan kan hawak ko saka mag-inom kan dugo ko magdadanay sako; ako magdadanay saiya.

Roma 8:11

Kun nag-eerok saindo an Espiritu nin Dios na iyo an nagbuhay liwat ki Jesus, an Dios man na iyan an matao nin bagong buhay sa saindong mga hawak na magagadanon sa paagi kan saiyang Espiritu na nag-eerok saindo.

Roma 8:9

Alagad dai kamo namumuhay sa laman kundi sa Espiritu, kun talagang an Espiritu nin Dios yaon saindo. An siisay man na mayo kan Espiritu ni Cristo bakong sadiri ni Cristo.

Roma 9:26

Sa mismong lugar na pinagsabihan sainda, ‘Bako ko kamong banwaan;’ duman sinda aapodon na ‘mga aki kan buhay na Dios.’”

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.

1 Corinto 6:19

Dai nindo aram na an saindong hawak iyo an templo kan Espiritu Santo na nag-eerok saindo, na inako nindo hale sa Dios? Kamo bako nang pagsadiri nindo,

Efeso 2:20

Kamo man pinatindog sa pundasyon na ibinugtak kan mga apostol saka kan mga propeta, na an gapong patugmadan iyo si Cristo Jesus mismo.

Efeso 2:22

Huli man kan saindong pakisumaro ki Cristo, kaiba man kamo nindang nagin kabtang kan erokan nin Dios sa saiyang Espiritu.

Efeso 3:17

tanganing si Cristo mag-erok sa saindong mga puso, huli sa saindong pagtubod. Minamawot ko man na makagamot asin mapatugmad kamo sa pagkamoot,

Deuteronomio 5:7

“‘Dai kamo nin ibang dios na sasambahon kundi ako sana.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

2 Timoteo 1:14

Sa tabang kan Espiritu Santo na nag-eerok sato, ingatan mo an katotoohan na ipinaniwala saimo.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Hebreyo 8:10

Ngunyan, ini an gigibohon kong tipan sa banwaan nin Israel, pakalihis kan mga aldaw na idto, an sabi nin Kagurangnan: Ibubugtak ko an sakong mga katogonan sa saindang mga isip, isusurat ko an mga iyan sa saindang mga puso. Ako magigin Dios ninda; sinda an magigin banwaan ko.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Juan 4:12

Mayo pa lamang nin nakahiling sa Dios, alagad kun kita nagkakaminorootan, nagdadanay sato an Dios asin an kapanoan kan saiyang pagkamoot naootob sato.

1 Juan 4:15

An magpatotoo na si Jesus iyo an Aki nin Dios, nagdadanay sa Dios dangan an Dios nagdadanay saiya.

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.