2 Corinto 6:14 - Marahay na Bareta Biblia

¹⁴ Dai kamo makiiba sa mga bakong paratubod. Paanong magigin magkabagay an tama saka an sala? Paanong magkasaro an liwanag saka an diklom?

2 Corinto 6:14 ပူးပေါင်းရင်းမြစ်များ

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

1 Mga Hade 18:21

Nagpaenotan si Elias asin nagsabi sa mga tawo, “Sagkod nuarin kamo magkakaigwa nin duwang pag-isip? Kun an Kagurangnan iyo an Dios, siya an sambahon nindo; alagad kun si Baal an Dios, siya an sambahon nindo!” Dai nagsimbag saiya an mga tawo.

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

Esdras 10:19

Nanuga sinda na susuhayan an saindang mga agom asin nagdolot sinda nin sarong lalaking karnero bilang sakripisyo para sa saindang mga kasalan.

Salmo 106:35

kundi nakipag-agoman sinda sa mga pagano, asin inarog an saindang mga gibo.

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Mga Talinhaga 22:24

Dai ka makipagkatood sa mga tawong mainit an payo.

Mga Talinhaga 29:27

An tampalasan ikinakaongis kan matanos, asin an matanos ikinakaongis kan tampalasan.

Levitico 19:19

“Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Malakias 2:11

Linapas kan mga taga Juda an saindang panuga sa Dios asin naggibo sinda nin makauuyam na bagay sa Jerusalem asin sa bilog na daga. Dinigtaan ninda an Templo na namomotan nin Kagurangnan. Inagom kan mga lalaki nin Juda an mga babaeng nagsasamba sa dayuhan na mga dios-dios.

Malakias 2:15

Bakong an Dios an nagsaro saindo sa hawak asin sa espiritu? Ano an katuyohan niya sa paggibo kaini? An katuyohan iyo na magkaigwa kamo nin mga aki na totoong diosnon. Kaya hingowahon nanggad nindo na mayo saindo nin maglapas kan saiyang panuga sa saiyang agom.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Mga Gibo 4:23

Pakapahalea ki Pedro asin ki Juan, nagbalik sinda sa mga kairiba ninda asin inosip an sinabi sainda kan mga poon na padi saka kan kamagurangan.

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

1 Corinto 5:9

Sa surat na ipinadara ko saindo, sinabi ko na dai kamo dapat makiiba sa mga tawong marigsok.

1 Corinto 6:6

Kaipuhan pa daw na an sarong tugang magsumbong tumang sa kapwa tugang sa atubang nin mga hukom na pagano?

1 Corinto 7:39

An babaeng may agom dai pwedeng magpaagom sa iba mantang buhay pa an agom niya. Kun gadan na an agom niya, saka pa sana siya makakapaagom sa kiisay man na maoyonan niya, alagad sa sarong paratubod sana.

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.