2 Corinto 5:9 - Marahay na Bareta Biblia

⁹ Alagad pinaghihingowa nyamong mapaogma an Kagurangnan, maski sa erokan na ini o duman.

2 Corinto 5:9 ပူးပေါင်းရင်းမြစ်များ

Genesis 4:7

Kun tama an ginibo mo, inako ko kuta an dolot mo alagad nin huli ta maraot an ginibo mo, an kasalan naghihipa sa saimong pintoan. Gusto kang paghadean kaiyan, alagad kaipuhan daogon mo.”

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Mga Gibo 10:35

kundi inaako niya an may pagkatakot saiya asin naggigibo nin matanos maski taga saen siyang nasyon.

Roma 14:18

An naglilingkod ki Cristo nin siring kaini, ikinakaogma nin Dios asin naooyonan kan mga tawo.

Roma 14:8

Kun kita nabubuhay, nabubuhay kita para sa Kagurangnan; kun kita nagagadan, nagagadan kita para sa Kagurangnan. Kaya, mabuhay man kita o magadan, sadiri kita kan Kagurangnan.

Roma 15:20

An danay kong mawot iyo an paghulit kan Marahay na Bareta sa mga lugar na dai pa lamang midbid si Cristo tanganing dai ko matugdokan an tinugdokan na nin iba.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

2 Corinto 5:6

Kaya danay na makosog an samong boot. Aram mi na mantang nag-eerok pa kita sa hawak na ini, harayo pa kita sa erokan nin Kagurangnan.

2 Corinto 5:8

Makosog an samuyang boot; asin mas boot mi pang maghale sa hawak na ini nganing masa kaibahan nin Kagurangnan.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

1 Tesalonica 4:11

Hingowahon nindo na mamuhay kamo na matoninong; atoman sana nindo an sadiri nindong buhay, asin magkaigwa kamo nin sadiring hanap-buhay, siring sa hatol mi saindo kaidto.

1 Timoteo 4:10

Naghihingowa kami saka nagtatrabaho nin maigot, huli ta ibinugtak mi an samong paglaom sa buhay na Dios na Paraligtas kan gabos, orog na idtong mga nagtutubod saiya.

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Hebreyo 4:11

Kaya magmaigot kitang makalaog sa kapahingaloan na iyan, tanganing mayo nin makaarog kaidtong mga dai nagtubod.

2 Pedro 3:14

Kaya mga namomotan, mantang naghahalat kamo kan Aldaw na iyan, hingowahon nindong magin malinig kamo o mayong kaninan sa atubang nin Dios asin namumuhay kamo sa katoninongan.