2 Corinto 5:10 - Marahay na Bareta Biblia

¹⁰ Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

2 Corinto 5:10 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

1 Mga Hade 8:32

hinanyoga, Kagurangnan, dangan hukoman mo an saimong mga sorogoon. Padusahan mo an nagkasala asin ligtasan an matanos.

1 Mga Hade 8:39

hale sa langit na saimong erokan hinanyoga sinda saka patawada; itao mo an tamang balos sa saindang mga gibo, huli ta ika an nakakaaram kan nasa saindang puso,

An Libro ni Job 34:11

Binabalosan niya an tawo sosog sa saiyang gibo, asin tinatratar sinda sosog sa maninigo.

Salmo 62:12

asin an danay na pagkamoot. Ika, Kagurangnan, an mabalos sa kiisay man sosog sa saiyang mga gibo.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 12:14

Huhukoman nin Dios an gabos nyatong gibo, marahay man o maraot, maski an mga bagay na ginibo sa hilom.

Ezekiel 18:30

“Kaya ako, an Kagurangnan Dios, an mahukom sa saindong mga Israelita, sosog sa mga ginibo nindo. Magtalikod na kamo sa gabos nindong kasalan, asin dai kamo magtugot na matunaw kamo huli kan saindong kasombikalan.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mga Gibo 10:42

Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dios na magin hukom kan mga buhay asin kan mga gadan.

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

Roma 2:16

Mangyayari ini sa Aldaw na hukoman nin Dios sa paagi ni Jesu-Cristo an mga hilom na iniisip kan tawo, sosog sa Marahay na Bareta na ipinaghuhulit ko.

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Corinto 7:3

Dai ko ini sinasabi sa pagkondenar saindo, huli ta sinabi ko na saindo kaidto, na namomotan ko kamo; danay kitang mag-iiriba sa buhay o sa kagadanan.

Efeso 6:8

Aram nindo na an lambang saro, oripon man o bako, babalosan nin Kagurangnan sosog sa marahay niyang gibo.

Hebreyo 9:27

Itinalaan na sarong beses sana magadan an lambang tawo, dangan an paghukom.

1 Pedro 4:5

Alagad matao sinda nin kwenta sa Dios na andam na maghukom sa mga buhay saka sa mga gadan.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Kapahayagan 22:12

“Hinanyoga ako!” an sabi ni Jesus. “Madali na akong umabot! Dara ko an mga premyo na itatao ko sa lambang saro sosog sa saiyang ginibo.

1 Samuel 2:10

Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.