2 Corinto 4:4 - Marahay na Bareta Biblia

⁴ Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

2 Corinto 4:4 ပူးပေါင်းရင်းမြစ်များ

1 Mga Hade 22:22

Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 12:31

Panahon na nganing hukoman an kinaban. Ngunyan isisikwal na an kagsakop kaining kinaban.

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Juan 12:45

An nakakahiling sako, nakakahiling man sa nagsugo sako.

Juan 14:30

Dai na ako magtataram nin haloy saindo, huli ta maabot na an kagsakop kaining kinaban. Mayo siyang kapangyarihan sako,

Juan 15:24

Dai kutana sinda nagkasala kun dai ko ginibo sainda an mga bagay na dai pa naginibo nin siisay man. Alagad nahiling ninda an mga ginibo ko asin ikinakaongis ninda ako saka an sakong Ama.

Juan 16:11

sa paghukom, huli ta hinukoman na an kagsakop kaining kinaban.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Mga Gibo 26:23

na an Cristo kaipuhan na magtios dangan enot na mabuhay liwat, tanganing ihayag sa mga Judio asin sa mga pagano an ilaw nin kaligtasan.”

1 Corinto 10:20

Mayo! An sinasabi ko iyo na an anoman na idinolot sa altar nin mga pagano, atang sa mga demonyo, bakong sa Dios. Habo kong magin kahiras kamo kan mga demonyo.

2 Corinto 2:11

tanganing dai makabentahe satuya si Satanas; huli ta aram ta kun ano an saiyang mga plano.

2 Corinto 2:12

Pag-abot ko sa Troas sa paghulit kan Marahay na Bareta dapit ki Cristo, inandam nang enot kan Kagurangnan an dalan para sa misyon duman.

2 Corinto 3:11

Huli ta kun igwa nin liwanag na kaiba an dai nahaloy, gurano pa daw an liwanag kan nagdadanay sagkod lamang!

2 Corinto 3:14

Maluya an isip ninda, huli ta sagkod ngunyan natatahoban pa an saindang isip kun nagbabasa sinda kan mga libro kan daan na tipan. Huli ta an tahob nahahale sana huli ki Cristo.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Galacia 1:4

Idinolot ni Cristo an saiyang buhay para sa satong mga kasalan tanganing makaligtas kita sa maraot na kapanahonan na ini. Ginibo niya ini sa pagkuyog kan kabotan kan satong Dios asin Ama.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Efeso 6:12

Bakong mga tawo an satong kaiwal, kundi an mga prinsipado, mga kapangyarihan, mga kagsakop kan kadikloman ngunyan sa kinaban, mga hukbo nin mga maraot na espiritu sa kalangitan.

Filipos 2:6

Danay na nasa saiya an pagkani-Dios, alagad dai siya nagdayupot na pantayan an Dios,

Colosas 1:15

Si Cristo an ladawan kan Dios na dai nahihiling. Siya an panganay—an pinakamapangyari sa gabos na linalang.

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

1 Timoteo 1:11

An katukdoan na ini nasa Marahay na Bareta na ipinaniwala sako kan mapangyari asin banal na Dios tanganing sakong ipahayag.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 6:4

Paanong mapabalik giraray saka makapagsolsol an mga nagbaraya na sa pagtubod? Dati sindang nasa liwanag nin Dios. Nakanamit sinda kan mga langitnon na balaog saka nagin kahiras sinda sa Espiritu Santo.

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

1 Juan 2:11

Alagad an naoongis sa saiyang tugang nabubuhay sa kadikloman; naglalakaw siya sa kadikloman asin dai niya aram kun saen siya maduman, huli ta binuta siya kan kadikloman.

1 Juan 2:8

Alagad an togon na isinusurat ko ngunyan saindo garo man sana bago, huli ta an katotoohan kaini nahihiling ki Cristo saka diyan sa saindo, asin huli ta an kadikloman nawawara na, dangan an tunay na ilaw nagliliwanag na.

1 Juan 5:19

Aram nyato na kita sadiri nin Dios, asin an bilog na kinaban nasa kapangyarihan kan Maraot.