2 Corinto 3:5 - Marahay na Bareta Biblia

⁵ Mayo kami nin anoman na kakayahan na masasabi nyamo na hale samuya, huli ta an samong kakayahan gikan sa Dios.

2 Corinto 3:5 ပူးပေါင်းရင်းမြစ်များ

Genesis 41:16

Nagsimbag si Jose, “Mahal na hade, bakong ako, kundi an Dios an mapaliwanag saimo.”

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Lukas 24:49

Ako an mapadara saindo kan ipinanuga kan sakong Ama. Alagad maghalat kamo sa Jerusalem, sagkod na mag-abot saindo an kapangyarihan hale sa itaas.”

Juan 15:5

“Ako an poon, kamo an mga sanga. An magdanay sako, asin ako saiya, mamumunga nin dakul; huli ta kun suhay kamo sako, mayo kamong magiginibo.

Roma 15:18

Huli ta dai ako mangangahas na magtaram nin anoman, pwera kan ginibo ni Cristo huli sako, tanganing madara kong magkuyog an mga pagano sa Dios sa paagi nin mga tataramon, mga gibo,

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 3:10

Sosog sa balaog na itinao niya sako, ibinugtak ko an pundasyon kan edipisyo siring sa sarong ekspertong paratugdok, mantang iba an nagpapadagos kan konstruksyon. Alagad an lambang saro dapat na mag-ingat sa pagtugdok.

1 Corinto 3:6

ako an nagtanom kan banhi, si Apolos an nagbaribi, alagad an Dios iyo an nagpatalubo kan tinanom.

2 Corinto 12:9

Alagad an simbag niya iyo ini: “An sakong biyaya tama na para saimo; huli ta an sakong kapangyarihan orog na makosog kun ika maluya.” Kaya ikinakaogma kong maluya ako, tanganing mamatean ko an kapangyarihan sako ni Cristo.

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Filipos 4:13

An gabos magigibo ko huli ki Cristo na nagpapakosog sako.

2 Timoteo 2:2

An mga katukdoan na nadangog mong ipinahayag ko sa atubang nin dakul na saksi, itukdo mo man sa mga tawong masasarigan, na makakatukdo man sa iba.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.