2 Corinto 3:12 - Marahay na Bareta Biblia

¹² Kaya mga pusoan kami, huli ta igwa kami kan paglaom na iyan.

2 Corinto 3:12 ပူးပေါင်းရင်းမြစ်များ

Juan 10:24

Pinalibotan siya kan mga tawo saka hinapot, “Nuarin mo kami sasabihan kun ika mananggad an Cristo? Sabihan samo an totoo.”

Juan 16:25

“Sinabi ko saindo an mga bagay na ini sa paagi nin mga parabola. Alagad maabot an panahon na dai na ako magamit nin mga parabola, kundi hayag na mataram ako saindo dapit sa Ama.

Juan 16:29

Nagsabi an mga disipulo, “Ngunyan hayag ka nang magtaram ta dai ka na naggagamit nin mga parabola.

Mga Gibo 14:3

Haloy na nag-ontok duman si Pablo saka si Bernabe. Nagtaram sindang daing takot dapit sa Kagurangnan, asin pinatotoohan man kan Kagurangnan an itinaram ninda dapit sa biyaya nin Dios, huli sa pagtao sainda nin kapangyarihan sa paggibo nin mga milagro saka mga ngangalasan.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Mga Gibo 9:27

Kaya kinua siya ni Bernabe saka inibahan sa mga apostol. Ipinaliwanag ni Bernabe sainda kun paanong nahiling ni Saulo an Kagurangnan, na nagtaram saiya duman sa dalan. Sinabi pa niya an daing takot na paghulit ni Saulo sa ngaran ni Jesus duman sa Damasco.

Mga Gibo 9:29

Nagtaram man siya asin nakidiskutiran sa mga Griyegong Judio; kaya boot siya nindang gadanon.

1 Corinto 14:19

Alagad sa simbahan, mas boot ko pang maggamit ako nin limang tataramon na nasasabotan tanganing makatukdo ako sa iba, ki sa maggamit ako nin rinibong tataramon sa manlaen-laen na lengwahe na dai nasasabotan.

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

2 Corinto 3:11

Huli ta kun igwa nin liwanag na kaiba an dai nahaloy, gurano pa daw an liwanag kan nagdadanay sagkod lamang!

2 Corinto 4:13

Nasasabi sa kasuratan, “Nagtubod ako, kaya ako nagtaram.” Igwa man kami kan siring na espiritu nin pagtubod, kaya nagtataram man kami.

2 Corinto 7:4

Bilog an panarig ko saindo; ipinag-oorgulyo ko kamo! Sa gabos ming kasakitan may karangahan pa giraray ako; dakula an kaogmahan ko!

Filipos 1:14

Huli kan pagkabilanggo ko, orog na nagsarig sa Kagurangnan an kadaklan sa mga tugang; asin orog na nag-isog saka mayong takot na naghuhulit kan mensahe nin Dios.

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

Colosas 4:4

Kaya ipamibi nindo na ikapaliwanag ko iyan nin malinaw, siring sa maninigo.

1 Tesalonica 2:2

Aram nindo na pinasakitan kami saka pinagtuya-tuya sa Filipos bago kami nakaabot saindo. Alagad pinakosog nin Dios an samong boot nganing ipahayag mi saindo an Marahay na Bareta hale saiya, maski kadakul an pag-olang.

1 Timoteo 3:13

An mga diakono na nagtatrabahong maigot, ginagalangan nin tawo asin ipinapahayag ninda an kasarigan sa pagtubod ki Cristo Jesus.

Filemon 1:8

Kaya bilang tugang mo ki Cristo, makosog an boot kong pagbotan ka kan dapat mong gibohon,