2 Corinto 2:16 - Marahay na Bareta Biblia

¹⁶ Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

2 Corinto 2:16 ပူးပေါင်းရင်းမြစ်များ

Mga Bilang 15:3

Pwede sindang magdolot sa Kagurangnan nin sarong torong baka o sarong lalaking karnero o sarong kordero o sarong kanding bilang tinutong na atang, o dolot sa pag-otob nin sarong panuga, o boluntad na dolot, o dolot kun panahon nin pyesta; an parong kan mga dolot na pagkakan na ini nakakawili sa Kagurangnan.

Lukas 2:34

Benendisyonan sinda ni Simeon, asin sinabihan si Maria na saiyang ina, “Uya, an aking ini itinalaga para sa pagkapadungkal asin pagbangon nin dakul sa Israel; saro siyang tanda hale sa Dios na isisikwal nin dakul na tawo,

Juan 9:39

Nagsabi si Jesus, “Nagdigdi ako sa kinaban sa paghukom, tanganing makahiling an mga buta asin mabuta an mga nakakahiling.”

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

2 Corinto 12:11

Ako nagin garo lolong; kamo an nagpirit sako na magin siring. Kamo kutana an dapat na mag-omaw sako. Huli ta maski mayo ako nin halaga, bako akong menos ki sa mga espesyal na apostol nindo.