2 Corinto 12:4 - Marahay na Bareta Biblia

⁴ Nakadangog siya duman nin mga bagay na dai pwedeng ikataram, mga bagay na dai masambit kan ngoso nin tawo.

2 Corinto 12:4 ပူးပေါင်းရင်းမြစ်များ

Ezekiel 31:9

Ginibo ko iyan na magayon, na may marambong na mga sanga. Naori diyan an gabos na kahoy sa Eden, an tatamnan nin Dios.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Lukas 23:43

Sinabihan siya ni Jesus, “Sa katotoohan sinasabihan taka, ngunyan mismo makakaiba taka sa Paraiso.”

Mga Gibo 8:39

Paghawas ninda, kinua si Felipe kan Espiritu nin Kagurangnan. Dai na siya nahiling giraray kan eunuko, alagad padagos ini sa pagbyahe, pano nin kaogmahan.

1 Corinto 13:1

Maski makapagtaram ako sa mga lengwahe nin mga tawo asin nin mga anghel, kun mayo ako nin pagkamoot, garo man sana ako sarong kampanang maribok o simbal na matanog.

2 Corinto 12:2

Igwa akong midbid na sarong Cristianong lalaki na dinara paitaas sagkod sa ikatolong langit, katorseng taon na an nakakaagi. (Dai ko aram kun talagang nangyari ini, o saro sanang bisyon—an Dios sana an nakakaaram).

1 Tesalonica 4:17

Dangan kita na mga buhay pa pag-abot kan panahon na iyan, dadarahon paitaas kaiba ninda sa mga panganoron tanganing sabaton sa itaas an Kagurangnan. Asin magdadanay na kitang kaiba kan Kagurangnan.

Kapahayagan 12:5

An babae nangaki nin lalaki na iyo an maghahade sa gabos na nasyon na may kapot na pamakol na lansang. Alagad inagaw an aki dangan dinara sa Dios asin sa saiyang trono.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.