2 Corinto 11:22 - Marahay na Bareta Biblia

²² Mga Hebreyo sinda? Iyo man ako. Mga Israelita sinda? Iyo man ako. Kapagarakian sinda ni Abraham? Iyo man ako.

2 Corinto 11:22 ပူးပေါင်းရင်းမြစ်များ

2 Mga Cronica 20:7

Ika an samuyang Dios. Kan magdangadang sa dagang ini an Israel na saimong banwaan, pinahale mo an mga nag-eerok digdi asin itinao mo ini sa mga kapagarakian ni Abraham na saimong katood, tanganing masadirihan ninda sagkod pa man.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 5:3

Nagsimbag si Moises asin si Aaron, “Nagpahiling samo an Dios kan mga Hebreyo. Tugote kaming lumakaw nin tolong aldaw pasiring sa kalangtadan tanganing mag-atang sa Kagurangnan na samong Dios. Kun dai mi magibo iyan, tibaad gadanon niya kami sa paagi nin gera o nin helang.”

Exodo 7:16

Dangan sabihan mo an hade, ‘An Kagurangnan, an Dios kan mga Hebreyo, nagsugo sako tanganing sabihan ka na tugotan mong humale an saiyang banwaan tanganing magsamba saiya sa kalangtadan. Alagad sagkod ngunyan habo kang magtugot.

Exodo 9:1

Nagtaram an Kagurangnan ki Moises, “Dumuman ka sa hade asin sabihan mo siya na nagtaram an Kagurangnan, an Dios kan mga Hebreyo, ‘Tugotan mong humale an sakuyang banwaan tanganing makapagsamba sinda sako.

Exodo 9:13

Nagtaram an Kagurangnan ki Moises, “Magduman ka sa hade sa agang amay, asin sabihan mo siya na an Kagurangnan, an Dios kan mga Hebreyo, nagtaram, ‘Tugotan mong humale an sakuyang banwaan tanganing makapagsamba sinda sako.

Mateo 3:9

Dai kamo maghona na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Mga Gibo 22:3

“Saro akong Judio; namundag ako sa Tarso kan Cilicia, alagad nagdakula digdi sa Jerusalem. Nag-adal ako ki Gamaliel asin maigot na tinukdoan sa pagsunod kan Katogonan nin satong mga ginikanan. Siring saindo, naglingkod ako sa Dios sa bilog kong puso.

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

Roma 11:1

Kaya ini an hapot ko: Isinikwal na daw nin Dios an sadiri niyang banwaan? Dai! Israelita man ako; si Abraham an sakong ginikanan asin kabilang ako sa tribu ni Benjamin.

Roma 9:4

Sinda an mga Israelita; ginibo niya sindang mga aki niya asin ipinahayag sainda an saiyang kamurawayan. Nakipagtipan siya sainda; itinao niya sainda an Katogonan. Yaon sainda an tunay na pagsamba; inako ninda an mga panuga nin Dios.

Galacia 3:16

Ngunyan, an Dios nanuga ki Abraham, saka sa saro kan saiyang kapagarakian. Dai sinabi sa kasuratan, “asin sa saiyang mga aki,” na an boot sabihon, sa dakul na tawo. An sinabi, “asin sa saiyang aki,” na an kahulogan saro sanang tawo, na iyo si Cristo.

Filipos 3:5

Sinerkomsisyon ako kan an edad ko saro pa sanang semana. Namundag akong Israelita, gikan sa tribu ni Benjamin, sarong tunay na Hebreyo. Kun dapit sa pag-otob kan Katogonan kan mga Judio, saro akong Fariseo.