2 Corinto 11:15 - Marahay na Bareta Biblia

¹⁵ Kaya bakong makangangalas kun an saiyang mga sorogoon magsagin-sagin man tanganing mahiling na garo sinda mga sorogoon nin katanosan. Kun ano an saindang mga gibo iyo man an saindang magigin kataposan.

2 Corinto 11:15 ပူးပေါင်းရင်းမြစ်များ

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Mga Gibo 13:10

saka sinabihan, “Aki kan Diablo! Kaiwal ka kan gabos na katanosan; pano ka nin pagdaya saka pagpasaluib! Dai ka maontok sa pagtiko kan tanos na dalan nin Kagurangnan?

Roma 2:6

Babalosan nin Dios an lambang saro sosog sa saiyang gibo.

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

1 Corinto 9:11

Nagsabwag kami saindo nin espiritwal na banhi. Dakula daw na bagay na mag-ani kami nin mga materyal na pakinabang saindo?

2 Corinto 11:13

An mga tawong iyan bakong tunay na mga apostol kundi mga madayang trabahador, parasagin-sagin na mga apostol ni Cristo.

2 Corinto 11:23

Mga sorogoon sinda ni Cristo? Garo ako bua-bua sa pagsabi kaini, alagad mas marahay akong sorogoon ni Cristo ki sa sainda. Nagtrabaho ako nin mas maigot ki sa sainda; dakul na beses akong nabilanggo ki sa sainda, pinaghampak ako labi pa sainda, saka dakul na beses nang dikit pa akong magadan.

2 Corinto 3:9

Kun an Katogonan na nagdadara nin kagadanan nag-abot na may nakasusulang liwanag, orog pa an liwanag kun mag-abot an Espiritu na nagdadara nin katanosan!

Efeso 6:12

Bakong mga tawo an satong kaiwal, kundi an mga prinsipado, mga kapangyarihan, mga kagsakop kan kadikloman ngunyan sa kinaban, mga hukbo nin mga maraot na espiritu sa kalangitan.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 13:2

An nahiling kong hayop garo leopardo, an bitis garo sa oso, an ngoso garo sa leon. Itinao kan dragon sa hayop na ini an sadiri niyang kapangyarihan, trono saka an dakula niyang awtoridad.

Kapahayagan 9:11

An anghel na namamahala kan dai matugkad na kairaroman iyo an hade ninda; an ngaran niya Abadon sa tataramon na Hebreyo; Apolion sa tataramon na Griyego, na an kahulogan, Paragadan.