2 Corinto 10:8 - Marahay na Bareta Biblia

⁸ Dai ako masosopogan, maski nalabihan ko an pag-orgulyo manongod sa awtoridad na itinao sako nin Kagurangnan—awtoridad sa pagpakosog saindo asin bakong sa pagraot saindo.

2 Corinto 10:8 ပူးပေါင်းရင်းမြစ်များ

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.

2 Corinto 10:4

An mga armas na ginagamit mi sa pakilaban bakong mga armas kan kinaban, kundi mga mapangyaring armas nin Dios, na ginagamit mi sa pagrumpag nin mga bantayan.

2 Corinto 10:9

Habo kong isipon nindo na pinapatakot ko kamo sa mga surat ko.

2 Corinto 12:19

Tibaad naghohona kamo na nagpaparadepensa kami kan samong sadiri sa atubangan nindo. Dai! Kundi nagtataram kami siring sa boot ni Cristo na itaram mi sa atubang nin Dios, sa pagtabang saindo, mga namomotan kong tugang.

2 Corinto 12:6

Dai ako magigin lolong kun boot kong mag-orgulyo, huli ta katotoohan sana an itataram ko. Alagad dai ako nag-oorgulyo huli ta habo kong may mag-isip na mas marahay ako ki sa tunay na nahihiling niyang ginigibo ko saka nadadangog niyang sinasabi ko.

2 Corinto 13:10

Sinusurat ko ini bago ako magdiyan saindo tanganing kun umabot na ako diyan, dai na kaipuhan na magin maisog pa ako saindo sa paggamit kan awtoridad na itinao nin Kagurangnan sako—awtoridad sa pagpakosog saindo, bakong sa paglaglag.

2 Corinto 13:8

Huli ta mayo kami nin magiginibong anoman tumang sa katotoohan, kundi an mag-oyon.

2 Corinto 7:14

Ipinag-orgulyo ko kamo saiya, asin dai man nindo ako ipinasopog. Danay na totoo an sinabi mi saindo; siring man, napatotoohan an ipinag-orgulyo mi ki Tito.

2 Corinto 7:4

Bilog an panarig ko saindo; ipinag-oorgulyo ko kamo! Sa gabos ming kasakitan may karangahan pa giraray ako; dakula an kaogmahan ko!

Galacia 1:1

Surat na hale ki Pablo na an pagigin apostol bakong hale o sa paagi nin tawo, kundi sa paagi ni Jesu-Cristo asin nin Dios Ama na nagbuhay liwat ki Jesus sa mga gadan.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.