2 Corinto 10:5 - Marahay na Bareta Biblia

⁵ Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

2 Corinto 10:5 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

2 Mga Hade 19:22

Siisay sa paghona mo an saimong pinagtutuyatuya asin pinag-oolog-olog? Ako, an banal na Dios nin Israel, dai mo ginalangan.

2 Mga Hade 19:28

Huli kan kaanggotan mong iyan tumang sako, asin kan kapaabaw-abawan na nakaabot sa sakong pandangog, ibubugtak ko an sarong kawit sa saimong dungo asin an sarong busal sa saimong ngoso, dangan pababalikon taka sa dalan na saimong hinalean.”

An Libro ni Job 42:6

Kaya nasosopog ako huli kan gabos kong sinabi asin nagsosolsol ako sa alpog saka sa abo.”

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 139:2

Aram mo kun ako minatukaw o minatindog; nababasa mo sa harayo an gabos kong iniisip.

Salmo 18:27

Iliniligtas mo an mga mapakumbaba, alagad an mga mapaabaw-abaw saimong ibinababa.

Salmo 18:44

Mga dayuhan nagduruko sa atubangan ko; kan madangog ninda ako, nagkuyog sinda sako.

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Mga Talinhaga 15:26

Naoongis an Kagurangnan sa mga kaisipan na maraot, alagad nawiwili siya sa mga tataramon na mahuyo.

Mga Talinhaga 24:9

Makasalan an ano man na plano na isipon kan lolong. Ikinakaongis nin mga tawo an nag-oolog-olog sa kapwa.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Jeremias 23:29

Arog sa kalayo an sakong mensahe saka arog sa martilyo na minaronot nin gapo.

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Lukas 1:51

Nagpahiling siya nin kosog nin saiyang kamot, winarak niya an mga mapaabaw-abaw sagkod an gabos nindang kaisipan.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

Roma 16:26

Alagad ngunyan, ipinahayag na iyan sa paagi kan mga kasuratan kan mga propeta, sosog sa pagboot kan mayong kapinonan asin mayong kataposan na Dios. An misteryong iyan ipinamidbid ngunyan sa gabos na nasyon tanganing magtubod sinda saka magkuyog.

Roma 7:23

Alagad nahihiling ko sa sakong hawak na may ibang katogonan na minasalungat sa katogonan na nasa boot ko. Huli kaiyan, nagigin akong bilanggo sa katogonan nin kasalan na nag-eerok sa hawak ko.

1 Corinto 1:19

Huli ta nasusurat, “Lalaglagon ko an kadonongan kan mga madonong, asin hahalean ko nin halaga an pakasabot kan mga may inadalan.”

1 Corinto 3:19

Huli ta an kadonongan kan kinaban na ini, kalolongan para sa Dios. Siring sa nasusurat, “Sinisiod nin Dios an mga madonong na tawo sa sadiri nindang katusohan.”

2 Corinto 11:20

Natitios sana nindong pag-oriponon kamo, o pag-apihon o pagsiodon o pagmatahon o pagsampalingon nin siisay man.

2 Corinto 9:13

Oomawon ninda an Dios huli ta an tabang na itinao nindo nagpapahiling na kamo talagang nag-ootob kan Marahay na Bareta ni Cristo. Oomawon man ninda an Dios huli kan dakulang ambag nindo sainda saka sa gabos.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Filipos 4:7

Dangan an katoninongan nin Dios na dai matugkad kan isip nin tawo iyo an mag-iingat kan saindong puso saka isip diyan ki Cristo Jesus.

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.