2 Corinto 1:3 - Marahay na Bareta Biblia

³ Pasalamatan ta an Dios asin Ama ni Jesu-Cristo na satong Kagurangnan, an maheherakon na Ama, asin Dios na ginigikanan kan gabos na karangahan.

2 Corinto 1:3 ပူးပေါင်းရင်းမြစ်များ

Genesis 14:20

Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

Salmo 18:46

An Kagurangnan buhay! Pag-omawon an sakong parasurog! Irukyaw an kadakulaan nin Dios na nagligtas sako.

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Isaias 66:13

Rarangahon ko kamo sa Jerusalem, siring kan pagranga nin sarong ina sa saiyang aki.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Juan 10:30

Ako asin an Ama saro.”

Juan 20:17

Sinabihan siya ni Jesus, “Dai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko saka sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.”

2 Corinto 11:31

An Dios asin Ama ni Jesus na Kagurangnan—omawon logod an ngaran niya sagkod lamang—nakakaaram na dai ako nagpuputik.

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Filipos 2:11

tanganing an gabos magpahayag na si Jesu-Cristo iyo an Kagurangnan, sa kamurawayan nin Dios Ama.

Colosas 1:3

Danay kaming nagpapasalamat sa Dios na Ama kan satong Kagurangnan na Jesu-Cristo, kun namimibi kami para saindo,

1 Pedro 1:3

Pag-omawon an Dios, Ama ni Jesu-Cristong Kagurangnan ta! Huli kan saiyang dakulang pagkaherak, tinawan niya kita nin bagong buhay huli kan pagkabuhay liwat ni Jesu-Cristo sa mga gadan. Ini an nagtatao sato nin buhay na paglaom,

2 Juan 1:4

Dakula an sakong kaogmahan kan mahiling ko an iba mong mga aki na namumuhay sa katotoohan, siring sa ipinagboot sato kan Ama.

2 Juan 1:9

An siisay man na dai nagdadanay sa katukdoan ni Cristo kundi minalampas diyan, mayo saiya an Dios; alagad an siisay man na nagdadanay sa katukdoan ni Cristo igwa kan Ama asin kan Aki.