2 Corinto 1:22 - Marahay na Bareta Biblia

²² Binugtakan niya kami kan saiyang tanda asin itinao niya samo an Espiritu Santo sa samong mga puso bilang garantiya.

2 Corinto 1:22 ပူးပေါင်းရင်းမြစ်များ

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Juan 3:33

An minaako kan saiyang patotoo minapahayag na totoo an sinasabi nin Dios.

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Roma 4:11

An pagkaniserkomsisyonado niya tanda na inako siya nin Dios na matanos huli kan pagtubod niya bago pa siya sinerkomsisyon. An katuyohan iyo na siya an magigin ama kan gabos na nagtutubod sa Dios na inaako nin Dios na matanos, maski dai sinda sinerkomsisyon.

Roma 8:23

Alagad bako sana an bilog na linalang an nag-aagrangay, kundi kita man na nag-ako na kan Espiritu na iyo an enot kan mga regalo nin Dios sato. Sa satuyang boot nag-aagrangay man kita, mantang pinaghahalat ta an Dios na gibohon kitang mga aki niya saka tuboson an satong hawak sa pagkagapos.

Roma 8:9

Alagad dai kamo namumuhay sa laman kundi sa Espiritu, kun talagang an Espiritu nin Dios yaon saindo. An siisay man na mayo kan Espiritu ni Cristo bakong sadiri ni Cristo.

2 Corinto 5:5

An Dios iyo an nag-andam sato para sa pagbabagong ini asin tinawan niya kita kan saiyang Espiritu bilang garantiya kan gabos na tinatagama niya para sato.

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 7:3

Nagsabi an anghel, “Dai nindo pagraoton an daga, an dagat, o an mga kahoy, sagkod na dai ta pa namamarkahan an angog kan mga sorogoon kan satong Dios.”

Kapahayagan 9:4

Pinagbotan sindang dai manraot kan mga doot o kan mga kahoy o kan iba pang tinanom. An raraoton sana ninda iyo an mga tawong mayong marka kan selyo nin Dios sa saindang mga angog.