2 Corinto 1:21 - Marahay na Bareta Biblia

²¹ An Dios mismo an nagpapakosog samo saka saindo diyan ki Cristo, asin siya an nagpili samo.

2 Corinto 1:21 ပူးပေါင်းရင်းမြစ်များ

Salmo 45:7

namomoot ka sa katanosan asin naoongis sa karatan. Kaya linahidan ka nin Dios, na saimong Dios, kan lana nin kaogmahan orog ki sa ibang mga hade.

Salmo 87:5

Sasabihon manongod sa Sion na kaayon digdi an gabos na nasyon, asin papakosogon siya nin Kahorohalangkawe.

Salmo 89:4

‘An saimong kapagarakian magigin hade sagkod pa man; an saimong trono papatindogon ko sa gabos na panahon.’”

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Isaias 62:7

Kaipuhan na dai ninda siya pagtawan nin kapahingaloan sagkod na makabalik sa dati an Jerusalem— sarong syudad na inoomaw kan bilog na kinaban.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Levitico 7:35

Sa pagkakan na idinolot sa Kagurangnan, iyo iyan an kahirasan na itinao ki Aaron asin sa saiyang mga aki kan aldaw na sinda ordenan bilang mga padi.

Habakkuk 2:12

Herak man saindo na nagmukna nin sarong syudad sa paagi nin krimen asin nagpatindog kaiyan huli sa panggagadan!

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Mga Gibo 10:38

Aram man nindo kun paano itinao nin Dios ki Jesus na taga Nazaret an Espiritu Santo asin an kapangyarihan. Naglibot siya sa gabos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.

Roma 16:25

Omawon ta an Dios na iyo an nagpapakosog kan saindong pagtubod, sosog sa Marahay na Bareta dapit ki Jesu-Cristo na ipinaghuhulit ko, asin sosog sa kapahayagan kan misteryo na tinago nin Dios sa haloy nang panahon.

Roma 8:9

Alagad dai kamo namumuhay sa laman kundi sa Espiritu, kun talagang an Espiritu nin Dios yaon saindo. An siisay man na mayo kan Espiritu ni Cristo bakong sadiri ni Cristo.

1 Corinto 1:8

Papadanayon niya kamong pusog sagkod sa kataposan, tanganing mayo saindong makuang sala pag-abot kan Aldaw ni Jesu-Cristo na satong Kagurangnan.

2 Corinto 5:5

An Dios iyo an nag-andam sato para sa pagbabagong ini asin tinawan niya kita kan saiyang Espiritu bilang garantiya kan gabos na tinatagama niya para sato.

Colosas 2:7

Kaipuhan sa saiya kamo nakagamot, nagtalubo asin nagin pusog sa pagtubod arog kan itinukdo saindo. Danay kamong magpasalamat sa Dios.

1 Tesalonica 3:13

Sa paaging ini papasarigon niya an saindong mga puso na mayo nin kaninan sa kalinigan sa atubang kan satong Dios asin Ama, pagbalik kan satong Kagurangnan na si Jesus kaiba an gabos niyang banal.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

Hebreyo 13:9

Dai kamo magpadagka sa laen saka bakong midbid na mga katukdoan. Mas marahay na an satong mga puso mapakosog kan biyaya nin Dios, bakong sa pagkuyog kan mga pagsusundon dapit sa mga kakanon na dai lamang nakakatabang sa mga nagkukuyog kaiyan.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

Kapahayagan 1:6

Ginibo niya kitang kahadean nin mga padi na maglilingkod sa saiyang Dios asin Ama. Ki Jesu-Cristo an kamurawayan saka an kapangyarihan sagkod pa man! Amen.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.