1 Timoteo 6:1 - Marahay na Bareta Biblia

¹ Dapat galangan kan mga oripon an saindang mga kagurangnan, tanganing mayong maraot na masabi dapit sa ngaran nin Dios asin sa satong katukdoan.

1 Timoteo 6:1 ပူးပေါင်းရင်းမြစ်များ

Genesis 16:9

“Bumalik ka,” an sabi kan anghel, “asin paglingkodan mo siya.”

Genesis 24:12

Namibi an sorogoon, “O Kagurangnan, Dios kan sakong kagurangnan na si Abraham, tawe ako nin marahay na palad asin pahilingan an saimong danay na pagkamoot sa kagurangnan kong si Abraham.

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

2 Samuel 12:14

“Alagad nin huli ta sa gaweng ini ipinahiling mo an pagkaongis sa Kagurangnan, magagadan an saimong aki.”

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 52:5

Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Isaias 58:6

“An pag-ayuno na boot ko iyo ini: Tangkason nindo an kadena nin pang-aapi asin an sakal nin inhustisya, saka talingkasan nindo an mga naaapi.

Ezekiel 36:20

Saen man sinda nagduman, dinarahan ninda nin kasosopgan an banal kong ngaran kan magsabi an mga banwaan manongod sainda, ‘Ini an banwaan nin Kagurangnan, alagad kaipuhan maghale sinda sa saiyang daga.’

Ezekiel 36:23

Kun ipahiling ko na sa mga nasyon an kabanalan kan dakula kong ngaran, an ngaran na dinigtaan nindo sa tahaw ninda, dangan maaaraman ninda na ako an Kagurangnan. Ako, an Kagurangnan Dios, an nagtaram. Gagamiton ko kamo tanganing ipahiling sa mga nasyon na ako banal.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Mateo 11:30

Huli ta masayon an sakuyang sakal asin magian an pasanon ko.”

Mateo 11:9

Ano talaga an pinaglaom nindong mahiling? Sarong propeta? Iyo, sinasabihan ko kamo na an nahiling nindo orog pa ki sa propeta.

Lukas 17:1

Nagsabi si Jesus sa saiyang mga disipulo, “Maabot nanggad an mga pagsugot; alagad herak man sa tawong nagigin dahelan nin pagkakasala!

Mga Gibo 10:22

Nagsimbag sinda, “Sinugo kami ni Kapitan Cornelio. Matanos siyang tawo, may pagkatakot sa Dios, saka ginagalangan kan gabos na Judio. Sinabihan siya kan sarong anghel nin Dios na alokon ka sa harong niya, tanganing makadangog siya kan sasabihon mo.”

Mga Gibo 10:7

Pakahale kan anghel, inapod ni Cornelio an duwa niyang sorogoon saka an sarong maki-Dios na soldados na kabilang sa mga naglilingkod saiya.

Mga Gibo 15:10

Kun siring, tadaw ta binabalo nindo an Dios sa pagpapasan nin magabat na sakal sa mga paratubod, sakal na dai ta ngani naagod ni kan satong mga ginikanan?

Roma 2:24

Nasasabi sa kasuratan, “Dahel saindong mga Judio, an Dios pinapakaraot kan mga pagano.”

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

Galacia 5:1

Tinawan kita nin katalingkasan ni Cristo tanganing magdanay kitang talingkas. Kaya mamuhay kamo siring sa mga tawong talingkas, saka dai na nanggad kamo magpaoripon.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

1 Timoteo 5:14

Kaya boot ko pa na an mga hoben na babaeng balo magpaagom giraray, magkaigwa nin mga aki, saka mangataman kan saindang mga harong, tanganing dai matawan nin oportunidad an satong mga kaiwal sa pagpakaraot sato.

Tito 2:5

tanganing magin sindang mapagpugol sa sadiri, malinig, tataong mangataman kan saindang erokan, maboot, saka makinuyog-kuyog sa saindang agom, tanganing dai nin siisay man na makapagtaram nin maraot dapit sa mensahe nin Dios.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.