1 Timoteo 5:4 - Marahay na Bareta Biblia

⁴ Kun an babaeng balo igwa nin mga aki o mga makoapo, sinda ngona an dapat mag-otob kan saindang katongdan sa sadiri nindang pamilya. Sa siring na paagi makakabalos sinda sa saindang mga magurang asin mga apo, huli ta ini an nakakapaogma sa Dios.

1 Timoteo 5:4 ပူးပေါင်းရင်းမြစ်များ

Genesis 47:12

Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Genesis 47:28

Nag-erok si Jacob sa Egipto sa laog nin dyes y syeteng taon, sagkod na makaabot siya sa edad na syento kwarenta y syete.

An Libro ni Job 18:19

Mayo siya nin aki o kapagarakian sa tahaw nin saiyang banwaan; mayong natadang buhay sa dati niyang erokan.

Mga Talinhaga 31:28

Ginagalangan siya kan saiyang mga aki, asin inoomaw kan saiyang agom.

Isaias 14:22

“Sasalakayon ko an Babilon,” an sabi nin Kagurangnan nin mga hukbo, “asin rurumpagon ko iyan. Dai ako matada nin anoman—maski kaakian, mayo nanggad nin matatada. Ako, an Kagurangnan, an nagtaram.

Lukas 2:51

Uminiba sainda si Jesus sa Nazaret asin nagin makinuyog-kuyog siya sainda. An gabos na ini rinimpos kan saiyang ina sa puso niya.

1 Timoteo 2:3

Marahay iyan asin nakakapaogma sa Dios na satong Paraligtas,

1 Timoteo 5:16

Alagad kun an sarong babaeng paratubod igwa nin mga kadugo na mga babaeng balo, dapat niya sindang atamanon, bakong an simbahan an pagabatan, tanganing makapangataman ini kan mga tunay na babaeng balo.

Tito 1:11

Kaipuhan sindang paontokon huli ta pinupurisaw ninda an gabos na kaayon nin mga pamilya, sa pagtukdo ninda kan dai dapat itukdo, magkakwarta sana sinda maski sa maraot na paagi.

Hukom 12:14

Igwa siyang kwarentang aking lalaki asin treyntang makoapong lalaki na gabos nagsarakay sa setentang asno. Nagin hukom si Abdon sa Israel sa laog nin walong taon.

Ruth 2:18

Dinara niya ini pabalik sa banwa, dangan ipinahiling niya ki Naomi an saiyang natipon na trigo. Itinao niya man an natada niyang pagkakan sa saiyang panugangan.

Ruth 2:2

Sarong aldaw, nagsabi si Ruth ki Naomi, “Tugote akong magduman sa oma tanganing manirot kan mga nagkawaralat na trigo kan mga paraani. May paglaom ako na manunumpongan ko an tawong matugot sako na magtrabaho sa hurihan niya.” Nagsimbag si Naomi, “Lakaw na, aki ko.”