1 Timoteo 5:3 - Marahay na Bareta Biblia

³ Galangan mo an mga tunay na babaeng balo.

1 Timoteo 5:3 ပူးပေါင်းရင်းမြစ်များ

An Libro ni Job 29:13

Benebendisyonan ako kan tawong madali nang magadan, asin ginigibo kong mag-awit sa kaogmahan an babaeng balo.

An Libro ni Job 31:16

“Dai ako nagsayuma na tabangan an dukha; dai ako nagtugot na mamuhay sa kasakitan an mga babaeng balo

Salmo 146:9

An mga dayuhan sinusurog nin Kagurangnan, an mga ilo asin balo saiyang tinatabangan, alagad rinaraot niya an mga plano kan mga tampalasan.

Salmo 68:5

Ama nin mga mayong ama asin parasurog nin mga balo; siring kaiyan an Dios sa saiyang banal na Templo.

Salmo 94:6

Ginagadan ninda an mga balo asin an mga ilo; ginagadan ninda an mga dayuhan na nag-eerok sa samong daga.

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Jeremias 49:11

Walatan nindo sako an saindong mga aking ilo na sa ama, asin aatamanon ko sinda; tugoteng magsarig sako an saindong mga babaeng balo.

Mateo 15:6

nahahale na saiya an katongdan na galangan an saiyang ama asin ina. Sa paaging iyan dai nindo tinatawan nin halaga an togon nin Dios tanganing masunod sana an sadiri nindong katukdoan.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Lukas 2:37

kan mabalo siya, asin ngunyan otsenta y kwatrong taon na siya. Parati siyang nasa Templo; aldaw-banggi siyang nagsasamba sa Dios, nag-aayuno asin namimibi.

Lukas 7:12

Kan harani na siya sa trangkahan kan banwaan, may nasabat siyang sarong lubong. An gadan solong aking lalaki nin sarong babaeng balo. Kadakul kan nakikipaglubong.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

Mga Gibo 9:39

Kaya nag-iba sainda si Pedro. Pag-abot niya, dinara siya duman sa kwarto sa itaas. Tiniriponan siya kan gabos na babaeng balo na nagtatarangis; ipinahiling ninda saiya an mga bado asin mga alikboy na ginibo ni Dorcas kan buhay pa ini.

Mga Gibo 9:41

Kinapotan siya ni Pedro sa kamot saka tinabangan na magtindog. Pakatapos, inapod ni Pedro an mga banal saka an mga babaeng balo dangan ipinahiling niya sainda si Tabita na buhay na.

Deuteronomio 10:18

Tinatawan niya nin katanosan an mga ilo saka mga babaeng balo; namomotan niya an mga dayuhan na nakikihimanwa sa satong banwaan asin tinatawan niya sinda nin pagkakan saka gubing.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 16:14

Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’

1 Tesalonica 2:6

Dai kami naghagad nin kaomawan saindo o sa kiisay man,

1 Timoteo 5:2

an gurang na mga babae siring sa saimong ina, asin an hoben na mga babae siring sa mga tugang mong babae, sa bilog na kalinigan.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

1 Pedro 2:17

Galangan nindo an gabos na tawo; kamotan nindo an mga kapwa paratubod ki Cristo. Matakot kamo sa Dios, saka galangan nindo si Cesar.

1 Pedro 3:7

Kamo man, mga lalaki, pakarahaya an pakiiba nindo sa saindong mga agom. Galangan nindo sinda huli ta sinda maluya; huli ta kapwa nindo sinda paramana kan biyaya nin buhay. Gibohon nindo ini tanganing daing anoman na makaolang sa saindong mga pamibi.