1 Timoteo 5:10 - Marahay na Bareta Biblia

¹⁰ Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

1 Timoteo 5:10 ပူးပေါင်းရင်းမြစ်များ

Genesis 18:4

Tugote akong magkua nin tubig tanganing makahanaw kamo kan saindong bitis; pwede kamong magpahingalo sa limpoy kan kahoy na ini.

Genesis 19:2

dangan nagsabi, “Mga kagurangnan ko, nakikimaherak akong mag-ontok ngona kamo sa harong ko; hanawan nindo an saindong bitis asin magpahingalo kamo. Dangan, pwede kamong magmatang amay asin magpadagos sa paglakaw.” Nagsimbag sinda, “Dai na; sa tinampo na sana kami mapaaga.”

Genesis 24:32

Kaya nagdagos an lalaki sa harong; asin diniskargahan ni Laban an mga kamelyo dangan tinawan nin pagkakan an mga ini. Pakatapos, dinarahan niya nin tubig an sorogoon ni Abraham asin an kairiba kaini tanganing maghanaw kan saindang mga bitis.

Genesis 43:24

Pinadagos kan sorogoon an magturugang sa harong ni Jose; tinawan niya sinda nin tubig tanganing maghanaw kan saindang bitis, dangan pinakakan an saindang mga asno.

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Levitico 25:35

“Kun magin dukha an kapwa nindo Israelita na nag-eerok sa harani nindo asin dai na niya kayang buhayon an saiyang sadiri, dapat na tawan nindo siya kan kaipuhan niya sa buhay, tanganing padagos siyang mamuhay sa kaibahan nindo, arog sa sarong dayuhan o nakikihimanwa.

Mateo 25:17

Siring man an nag-ako nin dos mil pesos; nakaganansya man nin dos mil pesos.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Lukas 7:38

Nagtindog siya sa likodan ni Jesus, sa may pamitisan. Nagtatangis siya asin an saiyang mga luha nagtatagdo sa mga bitis ni Jesus; pinahidan niya an mga ini kan saiyang buhok, hinadokan dangan inulaan nin pahamot.

Lukas 7:44

Dangan kinilingan niya an babae saka sinabihan si Simon, “Nahihiling mo an babaeng ini? Nagdigdi ako sa harong mo alagad dai mo man lamang ako tinawan nin tubig na panghanaw sa mga bitis ko. Alagad hinugasan niya iyan kan saiyang luha saka pinahidan kan saiyang buhok.

Mga Gibo 10:22

Nagsimbag sinda, “Sinugo kami ni Kapitan Cornelio. Matanos siyang tawo, may pagkatakot sa Dios, saka ginagalangan kan gabos na Judio. Sinabihan siya kan sarong anghel nin Dios na alokon ka sa harong niya, tanganing makadangog siya kan sasabihon mo.”

Mga Gibo 22:12

“Igwa sa Damasco nin sarong lalaki na an ngaran Ananias, sarong tawong maki-Dios na nagkukuyog kan satong Katogonan asin ginagalangan kan gabos na Judio na nag-eerok duman.

Mga Gibo 6:3

Kaya, mga tugang, pumili kamo nin pitong lalaking marahay an dangog, pano kan Espiritu Santo asin nin kadonongan; sinda an papamahalaon ta kan bagay na ini,

Mga Gibo 9:36

Duman naman sa Jope, igwa nin sarong babaeng paratubod na an ngaran Tabita. (Dorcas an saiyang ngaran sa Griyego, na an boot sabihon, “sarong usa.”) An gabos niyang panahon ginagamit niya sa paggibo nin karahayan asin sa pagtabang sa mga dukha.

Mga Gibo 9:39

Kaya nag-iba sainda si Pedro. Pag-abot niya, dinara siya duman sa kwarto sa itaas. Tiniriponan siya kan gabos na babaeng balo na nagtatarangis; ipinahiling ninda saiya an mga bado asin mga alikboy na ginibo ni Dorcas kan buhay pa ini.

Roma 12:13

Tabangan nindo an mga banal sa saindang mga pangangaipo; padagoson nindo sa harong an mga taga ibang lugar.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

1 Timoteo 2:10

kundi sa paggibo nin karahayan, siring sa maninigong gibohon kan mga babaeng nagsasabing sinda maki-Dios.

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Timoteo 3:7

Dapat ginagalangan siya kan mga tawong bakong kaayon kan simbahan tanganing dai siya mapakaraot saka mahulog sa litag kan Diablo.

1 Timoteo 5:16

Alagad kun an sarong babaeng paratubod igwa nin mga kadugo na mga babaeng balo, dapat niya sindang atamanon, bakong an simbahan an pagabatan, tanganing makapangataman ini kan mga tunay na babaeng balo.

1 Timoteo 5:25

Siring man, an marahay na mga gibo hayag na nahihiling; maski an mga bakong hayag dai magdadanay na hilom.

1 Timoteo 6:18

Pagbotan mo sinda na magin marahay, magin mayaman sa marahay na mga gibo, magin matinao saka matinabang.

2 Timoteo 1:5

Nagigiromdoman ko an tunay mong pagtubod, siring kan pagtubod kan saimong lola na si Loida asin kan saimong ina na si Eunice. Naniniwala ako na igwa ka man kan siring na pagtubod.

2 Timoteo 2:21

Garo kita mga plato saka mangko. An siisay man na naghuhugas kan sadiri niyang ati, itatagama nganing gamiton sa espesyal na katuyohan, kinonsagra saka maninigong gamiton kan kagsadiri kan harong dangan andam para sa anoman na gibong marahay.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

2 Timoteo 3:17

tanganing an tawong naglilingkod sa Dios magin sangkap asin andam sa paggibo kan gabos na karahayan.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Tito 2:7

Ika mismo an dapat magin arogan sa gabos na gibong marahay. Magin tunay saka maigot ka sa pagtukdo.

Tito 3:1

Ipagiromdom mo sa sainda na magpasakop sinda sa mga kagsakop saka sa mga awtoridad; na magkuyog sainda asin magin danay na andam sa paggibo kan anoman na marahay.

Tito 3:14

An satong mga kairiba kaipuhan makanood na maghingowa sa paggibo nin marahay, tanganing makatabang para sa anoman na pangangaipo; dapat mamuhay sinda na may pakinabang.

Tito 3:8

An kasabihan na ini totoo. Boot kong itukdo mo nin marahay an mga bagay na ini, tanganing an mga nagtutubod sa Dios maghingowang maggibo nin marahay; ini orog karahay asin mapapakinabangan kan mga tawo.

Hebreyo 10:24

Dapat hanapon nyato an paagi kun paano ta madara an satong kapwa sa pagkaminorootan saka sa paggibo nin marahay.

Hebreyo 13:2

Padagoson nindo sa saindong harong an mga dayuhan, huli ta an ibang naggibo kaiyan, nakapadagos nin mga anghel na dai ninda aram.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 4:9

Maogmang padagoson nindo sa saindong harong an saindong kapwa.

3 Juan 1:12

Inoomaw si Demetrio kan gabos; an mismong katotoohan nagtataram nin marahay dapit saiya. Saksi man niya kami, asin aram mo na totoo an sinasabi nyamo.