1 Timoteo 4:13 - Marahay na Bareta Biblia

¹³ Ipadagos mo an pagbasa sa publiko kan mga Kasuratan, an paghulit, asin an pagtukdo, sagkod na umabot ako.

1 Timoteo 4:13 ပူးပေါင်းရင်းမြစ်များ

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Mga Gibo 17:11

An mga Judio duman mas andam na mag-ako kan mensahe ki kan mga idtoon sa Tesalonica. Maogma nindang inako an tataramon; aroaldaw nag-aadal sinda kan mga Kasuratan sa pagsiyasat kun totoo mananggad an pinagsasabi ni Pablo sainda.

Mga Gibo 6:4

tanganing an bilog nyamong panahon magamit mi sa pagpamibi saka sa paghulit kan tataramon.”

Roma 12:8

kun sa pagsadol, magsadol kita; kun sa paglimos, maglimos kita sa bilog na makakaya; kun sa pamamayo, magtrabaho kita nin maigot; asin kun sa gibong-herak, magtabang kita sa kaogmahan.

1 Corinto 14:26

Ano an boot kong sabihon, mga tugang? Kun nagtitiripon kamo sa pagsamba, an iba saindo may himno, an iba may katukdoan, an iba may kapahayagan hale sa Dios, may nakakataram sa manlaen-laen na lengwahe; an iba man may kapaliwanagan kaiyan. Gibohon nindo an gabos tanganing magtalubo an simbahan.

1 Corinto 14:3

Alagad an nagpopropesiya nagtataram sa mga tawo tanganing magtalubo sinda sa pagtubod, mapakosog an saindang boot saka maranga sinda.

1 Corinto 14:6

Kaya, mga tugang, anong karahayan an makukua nindo sako pagdiyan ko saindo kun magtaram ako sa manlaen-laen na lengwahe? Mayo lamang pwera sana kun an ipagtaram ko saindo kapahayagan na hale sa Dios, o an pakaaram kan katotoohan, o propesiya, o anoman na katukdoan.

Deuteronomio 17:19

Kaipuhan danay na harani saiya an librong iyan, asin kaipuhan basahon niya iyan sa bilog niyang pagkabuhay tanganing makanood siyang maggalang sa Kagurangnan asin maimbod na magkuyog kan gabos na togon saka pagboot na nasa librong iyan.

1 Timoteo 4:16

Ingatan mo an saimong gibo saka pagtukdo. Padagosa an paggibo kan mga bagay na ini, huli ta sa siring na gibo makakaligtas ka sagkod an mga nagdadangog saimo.

1 Timoteo 4:6

Kun itukdo mo an mga katukdoan na ini sa mga tugang, magigin marahay kang sorogoon ni Cristo Jesus, mantang ika man napapakosog sa mga tataramon kan pagtubod asin kan marahay na doktrina na saimong sinunod.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

Tito 2:15

Itukdo mo an mga bagay na ini, saka gamita an bilog mong kapangyarihan sa pagsadol saka sa pagsagwe sa mga nagdadangog saimo. Dai mo pagtugotan na pagbasang-basangon ka nin siisay man.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.