1 Timoteo 4:1 - Marahay na Bareta Biblia

¹ Maliwanag an sinasabi kan Espiritu na sa mga huring panahon may mga tawo na mabaya sa pagtubod, asin masunod sa mga madayang espiritu saka mga katukdoan nin mga demonyo.

1 Timoteo 4:1 ပူးပေါင်းရင်းမြစ်များ

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Jeremias 23:26

Sagkod nuarin lalagalagon kan mga propetang iyan an sakong banwaan huli sa mga kaputikan na gibo-gibo ninda?

Jeremias 48:47

Alagad maabot an panahon na an Moab papauswagon giraray nin Kagurangnan. Ini gabos an itinaram nin Kagurangnan na mangyayari sa Moab.

Jeremias 49:39

Alagad maabot an panahon na papauswagon ko giraray an Elam. Ako, an Kagurangnan, an nagtaram.”

Ezekiel 1:3

Duman sa Babilonia, sa tampi kan Salog nin Kebar, nadangog kong nagtataram sako an Kagurangnan, asin namatean ko an saiyang kapangyarihan.

Ezekiel 38:16

Sasalakayon mo an sakuyang banwaan nin Israel siring sa sarong panganoron na matahob kan daga. Pag-abot kan panahon na iyan, susugoon taka sa pagsalakay sa sakuyang daga tanganing mamidbid kan mga nasyon kun siisay ako, asin mahiling ninda an sakuyang kabanalan huli kan ipapagibo ko saimo.

Daniel 10:14

Napadigdi ako tanganing pasaboton ka kun ano an mangyayari sa saimong banwaan sa maabot na panahon. Saro ining bisyon dapit sa maabot na panahon.”

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Mikas 4:1

Sa maabot na mga aldaw, an bukid na namumugtakan kan Templo iyo an magigin pinakahalangkaw sa gabos, mas halangkaw ki sa kabubuldan. Dakul na nasyon an madorolok diyan,

Mga Bilang 24:14

Sinabihan ni Balaam si Balak, “Mabalik ako sa sadiri kong banwaan, alagad bago ako mahale, papatanidan taka kun ano an gigibohon kan banwaan nin Israel sa saimong banwaan sa maabot na aldaw.”

Mateo 18:7

Herak man sa kinaban huli sa mga nakakapakasala sa mga tawo! Kaipuhan nanggad na mag-abot an mga pagsugot, alagad herak man sa tawong nagigin dahelan nin pagkasala!

Lukas 17:1

Nagsabi si Jesus sa saiyang mga disipulo, “Maabot nanggad an mga pagsugot; alagad herak man sa tawong nagigin dahelan nin pagkakasala!

Juan 16:13

Pag-abot kan Espiritu nin katotoohan, tatabangan niya kamo nganing masabotan nindo an gabos na katotoohan. Dai siya magtataram sa sadiri niyang kabotan, kundi itataram niya saindo an saiyang nadadangog, saka ipapahayag saindo an mga bagay na maabot.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Mga Gibo 17:18

Nakipagdebate man siya sa mga pilosopong Epicureo asin sa mga pilosopong Estoico. An nagkapira nagsabi, “Ano an pinagtataram kan nagmamadonong na ini?” An iba man nagsabi, “Garong dapit sa mga dios nin ibang lugar an pinagtataram niya.” Sinabi ninda ini huli ta naghuhulit si Pablo dapit ki Jesus asin dapit sa pagkabuhay liwat.

Mga Gibo 20:23

pwera sana kan pagpatanid na ginibo sako kan Espiritu Santo na sa lambang syudad na dudumanan ko, naghahalat sako an mga kasakitan saka an bilanggoan.

Mga Gibo 21:11

Nagdolok siya samo, kinua niya an hagkos ni Pablo saka ginapos kaiyan an sadiri niyang mga bitis saka mga kamot dangan nagsabi, “An Espiritu Santo nagsabi na an kagsadiri kan hagkos na ini gagaposon na arog kaini kan mga Judio duman sa Jerusalem, asin itatao sa mga pagano.”

Mga Gibo 28:25

Huli ta dai sinda nagka-oroyon, naghale sinda pakasabi ni Pablo kaini, “Totoo mananggad an sinabi kan Espiritu Santo sa saindong mga ginikanan sa paagi ni Propeta Isaias:

1 Corinto 10:20

Mayo! An sinasabi ko iyo na an anoman na idinolot sa altar nin mga pagano, atang sa mga demonyo, bakong sa Dios. Habo kong magin kahiras kamo kan mga demonyo.

1 Corinto 11:19

Mayong duwa-duwa na igwa nin pagkabaranga diyan saindo, tanganing mamidbidan nin malinaw kun siisay an mga nasa tama.)

1 Corinto 12:11

An gabos na ini pasabong kan saro asin parehong Espiritu, na nagtatao kaiyan sa lambang saro sosog sa saiyang boot.

1 Corinto 2:10

Alagad ipinahayag sato nin Dios an saiyang misteryo sa paagi kan saiyang Espiritu, huli ta an Espiritu iyo an nagsisiyasat kan gabos, maski pa kan mga hararom na katuyohan nin Dios.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

Deuteronomio 32:29

Kun sinda madonong, masasabotan ninda kun tano ta sinda nadaog.

Deuteronomio 4:30

Kun kamo nasa kasakitan, asin kun nangyayari na saindo an mga bagay na iyan, magbalik kamo sa Kagurangnan asin magsunod sa saiyang tingog.

Colosas 2:18

Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

2 Timoteo 4:4

Babayaan ninda an paghinanyog kan katotoohan asin madangog sa mga leyenda.

Santiago 3:15

An siring na kadonongan bakong hale sa langit kundi sa kinaban, sa laman asin sa demonyo.

1 Pedro 1:20

Dati na siyang pinili nin Dios bago pa lalangon an kinaban; ngunyan ipinahayag siya sa huring mga aldaw na ini dahel saindo.

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

1 Juan 2:18

Mga aki, harani na an kataposan! Nadangog na nindo na madatong an Anti-Cristo; ngunyan dakul nang Anti-Cristo an nag-abot, kaya aram ta na harani na an kataposan.

1 Juan 4:6

Alagad kita sadiri nin Dios. An siisay man na nakakamidbid sa Dios nagdadangog sato; an siisay man na bakong sadiri nin Dios dai nagdadangog sato. Iyo ini an paagi kun paano ta mamidbid an tunay na espiritu saka an bakong tunay na espiritu.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 16:14

Sinda an mga espiritu kan mga demonyo na nagpapahiling nin mga milagro. Dinuduman kan tolong espiritung ini an gabos na hade sa bilog na kinaban tanganing tiponon sinda para sa gera pag-abot kan dakulang Aldaw kan Dios na Makakamhan.

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.

Kapahayagan 18:23

Mayo nang mahihiling na liwanag nin ilawan diyan saimo; mayo nang madadangog na tingog kan nobya saka nobyo. An mga negosyante mo an nagin pinakamapangyari sa bilog na kinaban; sa paagi nin salamangka, dinaya mo an gabos na nasyon sa kinaban!”

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 2:11

“An may talinga, magdangog sa sinasabi kan Espiritu sa mga simbahan! “An mga manggagana dai na maagi kan ikaduwang kagadanan.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 2:29

“An may talinga, magdangog sa mga sinasabi kan Espiritu sa mga simbahan!

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.

Kapahayagan 20:8

Maluwas siya tanganing dayaon an mga nasyon sa bilog na kinaban—an Gog asin an Magog. Titiponon niya sinda gabos para sa ralaban. Arog sinda kadakul kan baybay sa tampi kan dagat.

Kapahayagan 3:13

“An may talinga, magdangog sa sinasabi kan Espiritu sa mga simbahan!

Kapahayagan 3:22

“An may talinga, magdangog sa sinasabi kan Espiritu sa mga simbahan!”

Kapahayagan 3:6

“An may talinga, magdangog sa sinasabi kan Espiritu sa mga simbahan!”

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.