1 Timoteo 3:11 - Marahay na Bareta Biblia

¹¹ An saindang mga agom dapat marahay man an ugale, bakong paralibak, dai nagbuburat asin maimbod sa gabos na bagay.

1 Timoteo 3:11 ပူးပေါင်းရင်းမြစ်များ

Salmo 101:5

An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

Salmo 15:3

asin dai nagbabalobagi. Dai siya naggigibo nin maraot sa saiyang katood, ni nagdadara nin salang bareta dapit sa saiyang kataed.

Salmo 50:20

Andam ka sa pagsaksi tumang sa saimong mga tugang, asin sa paghanap nin sala sa sainda.

Mga Talinhaga 10:18

Putikon an tawong igwa nin natatagong kaanggotan; lolong an tawong nagbabalobagi.

Mga Talinhaga 25:13

An maimbod na sugo kaginhawahan kan nagsugo, arog kan malipot na tubig sa panahon nin tig-init.

Jeremias 9:4

An lambang saro dapat na mag-ingat sa saiyang katood, saka dai siya manarig maski sa saiyang tugang; huli ta an lambang tugang madaya arog ki Jacob, saka an lambang saro nagbabalobagi laban sa saiyang katood.

Ezekiel 44:22

Dai sinda pwedeng mag-agom nin balo o nin babaeng sinuhayan nin agom. An pwede sana nindang agomon iyo an sarong birhen na Israelita o an balo nin kapwa padi.

Levitico 21:7

An sarong padi dai dapat mag-agom nin sarong babaeng dating maraot na babae o sarong babaeng bako nang birhen o sarong babaeng sinuhayan nin saiyang agom; an sarong padi banal sa saiyang Dios.

Mateo 4:1

Pakatapos, dinara si Jesus kan Espiritu Santo duman sa kalangtadan tanganing pagsugotan kan Demonyo.

Juan 6:70

Nagsimbag si Jesus, “Bakong ako an nagpili saindong dose? Alagad diablo an saro saindo!”

Roma 1:29

Pano sinda nin gabos na katampalasan, karatan, kapasloan asin bisyo. Mga maori sinda, mga paragadan, parapakiiwal, madaya saka maati an isip. Tsismoso sinda,

1 Timoteo 1:12

Nagpapasalamat ako ki Cristo Jesus na satong Kagurangnan, na nagtao sako nin kosog para sa sakong trabaho. Nagpapasalamat ako saiya huli ta ibinilang niya akong maninigo saka pinili niyang maglingkod saiya,

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Timoteo 6:2

Dai dapat magtumang an mga oripon sa saindang mga Cristianong kagurangnan sa dahelan na magtugang sinda; kundi orog logod sindang maglingkod sainda, huli ta an nakikinabang kan saindang trabaho mga paratubod na namomotan ninda. Itukdo mo saka ihulit an mga bagay na ini.

2 Timoteo 3:3

sinda magigin makuri, mayo nin pagkaherak, parapakaraot, maisog, saka maringis; ikakaongis ninda an marahay;

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

Tito 2:3

Siring man sadolon mo an gurang na mga babae na mamuhay na banal. Dai sinda dapat magin mga parapakaraot, o mga paraburat. Magtukdo sinda kan marahay,

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.