1 Timoteo 2:8 - Marahay na Bareta Biblia

⁸ Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.

1 Timoteo 2:8 ပူးပေါင်းရင်းမြစ်များ

1 Mga Hade 3:11

kaya nagsabi an Dios saiya, “Huli ta naghagad ka nin kadonongan tanganing maghade nin matanos, embes na halawig na buhay, o kayamanan, o kagadanan kan saimong mga kaiwal,

An Libro ni Job 16:17

alagad dai ako nagkasala nin anoman na kadahasan, asin mayong pagsagin-sagin an sakong pamibi.

Salmo 134:2

Iitaas nindo an saindong mga kamot sa banal na lugar asin omawon nindo an Kagurangnan!

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Salmo 24:4

An tawong malinig an mga kamot asin mabini an puso, an dai nagsasamba sa mga dios-dios, an dai naggigibo nin putik na panuga.

Salmo 26:6

Sakong mga kamot hinuhugasan ko sa pagpahiling na mayo ako nin kasalan; naglilibot ako sa altar sa pagsamba sa Kagurangnan,

Salmo 28:2

Dangoga an tingog nin sakong pakimaherak, kun nag-aapod ako saimo sa paghagad nin tabang, kun iniitaas ko an sakong mga kamot sa banal mong erokan.

Salmo 35:13

Alagad kan sinda naghelang, ako nagmondo; nagsakripisyo ako huli sa pag-ayuno; namibi na duko an sakuyang payo,

Salmo 63:4

Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran.

Salmo 66:18

Kun rinimpos ko sana sa puso an sakong mga kasalan, dai kutana ako dinangog nin Kagurangnan.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Mateo 21:21

“Sa katotoohan sinasabihan ko kamo,” an simbag ni Jesus. “Kun kamo magtubod saka dai nanggad magduwa-duwa, bako sanang ining ginibo ko sa kahoy na higera an magigibo nindo, kundi mapapagbotan man nindo ining bulod na ‘mahale ka asin makaapon sa dagat,’ asin mangyayari iyan.

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Mateo 6:12

Patawada kami kan samong mga kasalan, siring kan pagpatawad nyamo sa mga nagkasala samuya.

Lukas 23:34

Nagtaram si Jesus, “Ama, patawada sinda! Huli ta dai ninda aram an saindang ginigibo.” Pinagripahan kan mga soldados an mga gubing ni Jesus tanganing pagbarangaon.

Lukas 24:50

Dangan ipinag-iba sinda ni Jesus sa luwas kan syudad sagkod sa Betania. Pag-abot ninda duman, initaas niya an saiyang mga kamot saka benendisyonan sinda.

Juan 4:21

Sinabihan siya ni Jesus, “Magtubod ka sako, babae, ta nagdadangadang an panahon na sasambahon nindo an Ama bako sanang sa bukid na ini o sa Jerusalem.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

Mga Gibo 21:5

Pakatapos kan pitong aldaw, nagpadagos na kami kan samong pagbyahe. Hinatod kami kan mga disipulo, kairiba an saindang mga agom saka mga aki, sagkod sa luwas kan syudad. Kami gabos nagluhod sa baybayon dangan namibi.

Mga Gibo 7:60

Dangan nagluhod siya saka nagkurahaw, “Kagurangnan, hare sinda pagsingila kan kasalan na ini!” Pakataram niya kaini nautsan siya.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

1 Corinto 7:7

Kun sa sako sana, boot ko kutana na an gabos makaarog sako; alagad tinawan kita nin Dios nin manlaen-laen na balaog—sa saro, ining balaog; sa iba, iba man.

2 Corinto 2:14

Alagad salamat sa Dios, na danay na nangengenot samo sa kapangganahan ki Cristo, asin huli samo nagpapalakop kan pahamot nin pakaaram dapit ki Cristo sa gabos na lugar.

Filipos 1:12

Mga tugang, boot kong maaraman nindo na an nangyari sako nakatabang nanggad sa paglakop kan Marahay na Bareta.

1 Tesalonica 1:8

Bako sanang an mensahe dapit sa Dios an nakalakop sa bilog na Macedonia asin Grecia sa paagi nindo, kundi pati an bareta manongod sa saindong pagtubod sa Dios nakaabot man sa manlaen-laen na lugar. Kaya dai na kami kaipuhan na magsabi pa nin anoman,

1 Timoteo 5:14

Kaya boot ko pa na an mga hoben na babaeng balo magpaagom giraray, magkaigwa nin mga aki, saka mangataman kan saindang mga harong, tanganing dai matawan nin oportunidad an satong mga kaiwal sa pagpakaraot sato.

Tito 3:8

An kasabihan na ini totoo. Boot kong itukdo mo nin marahay an mga bagay na ini, tanganing an mga nagtutubod sa Dios maghingowang maggibo nin marahay; ini orog karahay asin mapapakinabangan kan mga tawo.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

1 Pedro 3:7

Kamo man, mga lalaki, pakarahaya an pakiiba nindo sa saindong mga agom. Galangan nindo sinda huli ta sinda maluya; huli ta kapwa nindo sinda paramana kan biyaya nin buhay. Gibohon nindo ini tanganing daing anoman na makaolang sa saindong mga pamibi.