1 Timoteo 1:7 - Marahay na Bareta Biblia

⁷ Boot nindang magin paratukdo kan katogonan nin Dios, alagad dai ninda nasasabotan an sainda mismong itinataram o an mga bagay na itinutukdo ninda.

1 Timoteo 1:7 ပူးပေါင်းရင်းမြစ်များ

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Mateo 21:27

Kaya sinimbag ninda si Jesus, “Dai mi aram.” Dangan sinabihan niya sinda, “Kun siring, dai ko man sasabihon saindo kun sa anong kapangyarihan ginigibo ko an mga bagay na ini.

Lukas 2:46

Kan ikatolong aldaw, nakua ninda siya sa laog kan Templo, nagtutukaw kaiba kan mga paratukdo. Naghihinanyog siya saka naghahapot sainda.

Mga Gibo 15:1

Nagkapirang tawo an naglugsot sa Antiokia hale sa Judea asin nagtukdo sa mga tugang, “Kun dai kamo magpaserkomsisyon sosog sa ipinagboboot ni Moises, dai kamo makakaligtas.”

Roma 1:22

Nagsabi sindang mga madonong sinda, alagad sa katunayan sinda mga lolong.

Galacia 3:2

Simbaga daw nindo ini: Inako daw nindo an Espiritu nin Dios huli sa pag-otob kan Katogonan o huli sa pagdangog saka pagtubod kan Marahay na Bareta?

Galacia 3:5

Tinatawan daw kamo nin Dios kan saiyang Espiritu asin naggigibo saindo nin mga milagro huli ta nag-ootob kamo kan Katogonan o huli ta nagdadangog kamo kan Marahay na Bareta saka nagtutubod kamo kaiyan?

Galacia 4:21

Hapoton ko daw kamo, na mga boot magpasakop sa Katogonan: dai daw nindo nadadangog an sinasabi sa Katogonan?

2 Timoteo 3:7

mga babaeng naghihingowang makanood alagad dai nanggad makakamidbid kan katotoohan.

Santiago 3:1

Mga tugang ko, dai dapat na magkaigwa diyan saindo nin dakul na paratukdo, huli ta aram nindo na kaming mga paratukdo huhukoman nin orog na makuri ki sa iba.

2 Pedro 2:12

alagad an mga tawong ini minahiro na garo mayong isip, arog kan lalaw na hayop na inogbon tanganing dakopon saka bunoon. Pinag-oolog-olog ninda an mga bagay na dai ninda nasasabotan. Kaya mapapahamak sinda arog kan lalaw na mga hayop;