1 Timoteo 1:10 - Marahay na Bareta Biblia

¹⁰ para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

1 Timoteo 1:10 ပူးပေါင်းရင်းမြစ်များ

Genesis 19:5

Inapod ninda si Lot asin hinapot, “Haen an mga lalaking nakikitorog diyan saimo? Paluwasa sinda tanganing samong madorogan.”

Genesis 37:27

Ipabakal ta na sana siya sa mga Ismaelitang iyan; sa siring na paagi, dai na kaipuhan na kulogon ta pa siya; tugang ta siya, sadiri tang dugo saka laman.” Dinangog siya kan saiyang mga tugang.

Genesis 40:15

Bako kong kagustohan an pagdigdi sa Egipto; kinidnap ako sa daga kan mga Hebreyo, asin minsan digdi sa Egipto, mayo akong ginibong ano man tanganing ilaog sa bilanggoan.”

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Exodo 21:16

“An siisay man na magkidnap nin tawo tanganing ipabakal o gibohon na oripon dapat gadanon.

Oseas 10:4

Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Levitico 18:22

Dai kamo makidorog sa kapwa nindo lalaki na iarog nindo siya sa sarong babae; anggot an Dios sa siring na karigsokan.

Levitico 20:13

Kun an sarong lalaki magdorog sa kapwa niya lalaki, na garo ini sarong babae, nakaginibo sinda nin karigsokan; gagadanon sindang duwa; sinda an responsable kan saindang kagadanan.

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

Roma 1:26

Huli kaiyan, pinabayaan sinda nin Dios sa gibo nindang makasosopog. An mga babae nakikidorog sa kapwa babae.

Deuteronomio 24:7

“An siisay man na mangidnap nin kapwa Israelita tanganing oriponon o tanganing ipabakal bilang oripon, kaipuhan gadanon. Sa siring na paagi, mahahale saindo an karatan na ini.

1 Timoteo 4:6

Kun itukdo mo an mga katukdoan na ini sa mga tugang, magigin marahay kang sorogoon ni Cristo Jesus, mantang ika man napapakosog sa mga tataramon kan pagtubod asin kan marahay na doktrina na saimong sinunod.

1 Timoteo 6:3

Naghahambog asin mayo nin naaraman an tawong nagtutukdo nin ibang doktrina saka dai minaoyon sa totoong mga tataramon ni Jesu-Cristo, na satong Kagurangnan, dangan sa katukdoan kan satong relihiyon. Helang na niya an pakidiskutiran saka pakiiwal dapit sa anoman na bagay. An siring na gibo ginigikanan nin pagkaori, iriwal, pakaraot, mga pagsahot,

2 Timoteo 1:13

Gibohon mong arogan an mga itinukdo ko saimo, asin magdanay ka sa pagtubod saka sa pagkamoot na inako ta diyan ki Cristo Jesus.

2 Timoteo 4:3

Maabot an panahon na dai na magdadangog an mga tawo kan totoong katukdoan, kundi magsusunod kan sadiri nindang kamawotan. Matipon sinda nin dakul na tawong magtutukdo sainda kan boot sana nindang madangog.

Tito 1:13

Tama an sinabi niya, kaya sagweon mo sinda tanganing magkosog sinda sa pagtubod,

Tito 1:9

Dapat panindogan niya an tunay na katukdoan tanganing ikatukdo niyang tama sa iba, asin ikapahiling niya an sala kan mga nagsasalungat kaiyan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

Kapahayagan 18:13

kanela, rekado, kamangyan, mira saka insenso; arak, lana, arina saka trigo; mga baka, mga karnero, mga kabayo saka mga karwahe; mga oripon asin mga tawong ipinapabakal.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.