1 Tesalonica 5:3 - Marahay na Bareta Biblia

³ Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

1 Tesalonica 5:3 ပူးပေါင်းရင်းမြစ်များ

An Libro ni Job 15:21

Makangirhat na mga tingog an saiyang madadangog; masalakay an mga tulisan sa oras na iniisip niyang ligtas.

An Libro ni Job 24:23

Pwedeng tugotan nin Dios na mabuhay sindang matiwasay, alagad an saiyang mga mata nasa pagmasid kan saindang mga dalan.

Salmo 35:8

Bigla logod na dumatong sainda an karatan, madakop sa siod na saindang tinahoban, mahulog sa kalot na saindang inandam.

Salmo 48:6

Duman inabtan sinda nin takig, nin kulog siring sa babaeng nangangaki;

Salmo 55:15

An kagadanan dumatong logod sa mga kaiwal; sa Sheol buhay pa sindang makaduman, huli ta yaon sa saindang mga harong an karatan, sa saindang mga puso siring man.

Salmo 69:22

Magin litag logod an mga bangkete ninda; magin siod an saindang mga banal na pyesta.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 20:6

Pag-abot kan panahon na iyan, masabi an mga nag-eerok sa baybayon kan Filistea, ‘Hilinga! Iyo ini an mangyayari sa satong linaoman asin hinagadan nin tabang tanganing surogon kita sa hade nin Asiria! Paano kita makakadulag?’”

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Isaias 47:11

Maabot saimo an kapahamakan, asin an saimong salamangka dai makakapugol kaiyan. Sa madali, maabot saimo an karatan— karatan na dai lamang nag-abot sa isip mo!

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Jeremias 13:21

Ano an sasabihon mo kun sakopon ka saka pinaghadean kan mga tawong pinaghohona mong mga katood? Makukulogan ka arog sa sarong babaeng nangangaki.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 22:23

Matiwasay kamong nagpapahingalo sa tahaw kan mga sedrong hale sa Lebanon; alagad makaheherak kamo kun abotan na kamo nin kulog, kulog na arog kan namamatean nin sarong babaeng nangangaki.

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 6:14

Para sainda, an mga lugad kan sakong banwaan, mga kamros sana. Minasabi sinda na igwa nin katoninongan, maski mayo nin katoninongan.

Jeremias 6:24

“Nadangog nyamo an bareta,” an sabi kan mga taga Jerusalem, “asin nanluya an samong mga kamot; inabotan kami nin hadit saka kulog arog sa sarong babae na nangangaki.

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Ezekiel 13:10

“Dinadaya kan mga propeta an mga tawo sa pagsabi na an gabos matoninong maski ngani mayo man nin katoninongan. Kun an sakong banwaan minatugdok nin kudal, tinatapalan iyan nin karboro kan mga propeta.

Oseas 13:13

An Israel igwa nin oportunidad na mabuhay, alagad hinaboan niya iyan; arog siya sa sarong omboy na madali nang mamundag, alagad habong magluwas sa tulak nin saiyang ina.

Nahum 1:10

Arog sa nagkagurumos na mga tonok asin alang na dagami matututong kamo!

Mateo 23:33

Mga halas! Kapagarakian nin mga rimoranon! Paano kamong makakadulag sa padusa sa impyerno?

Juan 16:21

Kun an sarong babae madali nang mangaki, namomondo siya, huli ta an kulog kan saiyang pangaki nag-abot na. Alagad pakapangaki, dai na niya naroromdoman an kulog, huli sa kaogmahan na namundag an sarong omboy sa kinaban.

Mga Gibo 13:41

‘Hilinga nindo, mga paratuya-tuya! Magngalas kamo saka magadan! Huli ta may gigibohon ako sa kapanahonan nindo, sarong gibo na dai nindo tutubodon maski igwang magpaliwanag saindo kaiyan!’”

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

2 Tesalonica 1:9

Papadusahan sinda nin kapahamakan na mayong kataposan, hahaleon sa atubang nin Kagurangnan asin sa saiyang mamurawayon na kapangyarihan.

Hebreyo 12:23

Nagdolok kamo sa katiriponan kan mga panganay nin Dios na an mga ngaran nasusurat sa langit. Nagdolok kamo sa Dios, na iyo an hukom kan gabos na tawo; nagdolok man kamo sa mga espiritu kan mga matanos na tawong nagin banal.

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

2 Pedro 2:4

Dai pinaligtas nin Dios an mga anghel na nagkasala, kundi ihinulog sinda sa impyerno, na duman nakakadenahan sinda sa kadikloman saka naghahalat kan Aldaw nin Paghukom.

Hukom 8:11

Nag-agi si Gideon sa dalan na nasa gilid kan kalangtadan, sa sirangan kan Noba asin Jogbeha, kaya nabigla an hukbo kan kaiwal kan salakayon niya sinda.