1 Tesalonica 4:17 - Marahay na Bareta Biblia

¹⁷ Dangan kita na mga buhay pa pag-abot kan panahon na iyan, dadarahon paitaas kaiba ninda sa mga panganoron tanganing sabaton sa itaas an Kagurangnan. Asin magdadanay na kitang kaiba kan Kagurangnan.

1 Tesalonica 4:17 ပူးပေါင်းရင်းမြစ်များ

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

2 Mga Hade 2:16

Nagsabi sinda ki Eliseo, “Singkwenta kaming uya digdi, gabos makokosog na lalaki. Padumana kami tanganing hanapon an saimong kagurangnan. Tibaad dinara siya kan espiritu nin Kagurangnan asin iwinalat sa ibabaw nin sarong bukid o sa sarong kapantayan.” “Dai na kamo maglakaw,” an simbag ni Eliseo.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 49:15

Alagad ililigtas nin Dios an sakong kalag; ililigtas niya sa kapangyarihan nin kagadanan.

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Mateo 26:64

Alagad nagsimbag si Jesus, “Ika na an nagsasabi. Sinasabihan ko kamo, poon ngunyan mahihiling nindo an Aki nin Tawo na nagtutukaw sa too kan Makakamhan asin nagdadatong sa mga panganoron nin langit!”

Markos 14:62

“Ako!” an simbag ni Jesus. “Mahihiling nindo an Aki nin Tawo na nagtutukaw sa too kan Makakamhan na Dios, nagdadatong na nasa mga panganoron nin langit!”

Juan 12:26

An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Mga Gibo 1:9

Pakataram niya kaini, isinakat siya sa langit mantang naghihiling sinda saiya; dangan nalipodan siya nin panganoron.

Mga Gibo 8:39

Paghawas ninda, kinua si Felipe kan Espiritu nin Kagurangnan. Dai na siya nahiling giraray kan eunuko, alagad padagos ini sa pagbyahe, pano nin kaogmahan.

1 Corinto 15:52

sa panali—sa sarong pagpirok nin mata—sa pagtanog kan huring trompeta. Huli ta sa pagtanog kan huring trompeta, an mga gadan bubuhayon liwat asin dai na magagadan; kita gabos maliliwat,

2 Corinto 5:8

Makosog an samuyang boot; asin mas boot mi pang maghale sa hawak na ini nganing masa kaibahan nin Kagurangnan.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

1 Tesalonica 3:13

Sa paaging ini papasarigon niya an saindong mga puso na mayo nin kaninan sa kalinigan sa atubang kan satong Dios asin Ama, pagbalik kan satong Kagurangnan na si Jesus kaiba an gabos niyang banal.

1 Tesalonica 4:15

Itinutukdo mi saindo ngunyan an itinukdo nin Kagurangnan na kitang nabubuhay pagdatong nin Kagurangnan, dai maeenot duman sa mga nagkagaradan na.

1 Tesalonica 4:18

Kaya magparinanga-rangahan kamo kan mga tataramon na ini.

1 Tesalonica 5:10

Nagadan si Jesus para sato, tanganing mabuhay kita kaiba niya, buhay man kita o gadan sa pagbalik niya.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!

Kapahayagan 11:12

Nakadangog an duwang propeta nin makosog na tingog hale sa langit na nagsabi sainda, “Sakat kamo digdi!” Mantang naghihiling an saindang mga kaiwal, nagsakat sa langit an duwang propeta na nakalunad sa sarong panganoron.

Kapahayagan 12:5

An babae nangaki nin lalaki na iyo an maghahade sa gabos na nasyon na may kapot na pamakol na lansang. Alagad inagaw an aki dangan dinara sa Dios asin sa saiyang trono.