1 Tesalonica 2:9 - Marahay na Bareta Biblia

⁹ Giromdomon nindo, mga tugang, kun gurano an pagtrabaho saka pagmalasakit mi! Nagtrabaho kami aldaw-banggi tanganing dai kami makapagabat saindo mantang naghuhulit kami saindo kan Marahay na Bareta nin Dios.

1 Tesalonica 2:9 ပူးပေါင်းရင်းမြစ်များ

2 Mga Hade 6:2

Padumana kami sa Jordan asin an lambang saro samo makua duman nin kahoy tanganing magtugdok nin maeerokan.” “Lakaw kamo,” an simbag ni Eliseo.

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

Nehemias 5:18

Aroaldaw nag-andam ako nin sarong baka, anom na piling karnero asin dakol na manok; lambang sampolong aldaw, nagtatao ako nin dakul na arak. Aram ko an gabat na pinapasan kan mga tawo, kaya dai ko inako an pagkakan na talaan sako bilang gobernador.

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 88:1

Kagurangnan kong Dios, sa aldaw ako minaapod saimo; asin sa banggi minaagrangay ako sa atubang mo.

Mga Talinhaga 31:18

Naaaraman niya an halaga kan lambang ginigibo niya, asin maski matanga na an banggi nagtatrabaho pa siya.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Lukas 2:37

kan mabalo siya, asin ngunyan otsenta y kwatrong taon na siya. Parati siyang nasa Templo; aldaw-banggi siyang nagsasamba sa Dios, nag-aayuno asin namimibi.

Mga Gibo 18:3

Duman siya nag-erok sainda huli ta pareho an trabaho ninda, anas sindang paragibo nin tolda.

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

Roma 15:19

kapangyarihan nin mga milagro saka ngangalasan, asin kapangyarihan kan Espiritu nin Dios. Kaya ipinaghulit ko na an Marahay na Bareta dapit ki Cristo poon sa Jerusalem sagkod sa Ilirico.

1 Corinto 4:12

nagtatrabaho kami nin maigot. Kun kami minamaldisyon, kami minabendisyon; kun kami pinapasakitan, tinitios mi;

1 Corinto 9:15

Alagad dai ko pa ginamit minsan arin kan mga deretsong iyan, saka dai man ako minasurat kaini ngunyan nganing hagadon ko an siring na mga deretso. Mas boot ko pa na magadan ki sa halean ako nin siisay man kan pagbabasaran sa pagpapalangkaw.

1 Corinto 9:18

Kun siring, ano an balos sako? Na ikapaghulit ko an Marahay na Bareta na mayong bayad asin dai ko paggamiton an gabos kong deretso sa paghulit kaiyan.

1 Corinto 9:4

Mayo daw akong deretso na tawan nin kakanon saka inomon para sa sakong trabaho?

2 Corinto 11:27

Inagihan ko na an grabeng kapagalan, pirot, gutom saka paha; dakul na beses mayo akong maninigong pagkakan, mahigdaan o gubing.

2 Corinto 11:9

Kan kaiba nindo ako asin nangaipo nin kwarta, dai ako nagin pagabat sa kiisay man, huli ta dinarahan ako kan gabos kong kaipuhan kan mga tugang hale sa Macedonia. Dai ako nagin pasanon nindo kaidto, asin maski sa maabot na panahon.

2 Corinto 6:5

sa panahon na kami hinampak, binilanggo, saka pinagsururogan; sa panahon nin pagtrabaho, sa pagpuka asin pagkagutom.

Filipos 4:16

Kan idtoon ako sa Tesalonica, dakul na beses na pinadarahan ako nindo nin tabang.

1 Tesalonica 1:3

Ginigiromdom nyamo sa atubang kan satong Dios asin Ama kun paano nindo ipinahiling sa gibo an saindong pagtubod; kun paanong an pagkamoot nindo an nakahiro saindo na magtrabaho nin maigot; kun gurano kasarig an saindong paglaom ki Jesu-Cristo na satong Kagurangnan.

1 Tesalonica 2:2

Aram nindo na pinasakitan kami saka pinagtuya-tuya sa Filipos bago kami nakaabot saindo. Alagad pinakosog nin Dios an samong boot nganing ipahayag mi saindo an Marahay na Bareta hale saiya, maski kadakul an pag-olang.

1 Tesalonica 2:6

Dai kami naghagad nin kaomawan saindo o sa kiisay man,

1 Tesalonica 3:10

Aldaw-banggi hinahagad mi sa Dios nin tudok sa puso na mahiling kamo saka mahipnoan an anoman na kakulangan kan saindong pagtubod.

1 Timoteo 1:11

An katukdoan na ini nasa Marahay na Bareta na ipinaniwala sako kan mapangyari asin banal na Dios tanganing sakong ipahayag.

1 Timoteo 4:10

Naghihingowa kami saka nagtatrabaho nin maigot, huli ta ibinugtak mi an samong paglaom sa buhay na Dios na Paraligtas kan gabos, orog na idtong mga nagtutubod saiya.

1 Timoteo 5:5

An tunay na babaeng balo na mayo na nin nag-aataman, bilog an pagsarig sa Dios; danay siyang namimibi aldaw-banggi sa paghagad nin tabang.

2 Timoteo 1:3

Nagpapasalamat ako sa Dios, na sakong pinaglilingkodan sa malinig na konsyensya, siring kan paglingkod kan sakong mga ginikanan, mantang ginigiromdom taka sa danay kong pagpamibi.