1 Tesalonica 2:6 - Marahay na Bareta Biblia

⁶ Dai kami naghagad nin kaomawan saindo o sa kiisay man,

1 Tesalonica 2:6 ပူးပေါင်းရင်းမြစ်များ

Esther 1:4

Sa laog nin anom na bulan, ipinahiling niya sainda an mga kayamanan kan saiyang kahadean, an kamurawayan saka kagayonan kaini.

Esther 5:11

Ipinaghambog niya sainda an saiyang kayamanan, an dakul niyang mga aking lalaki, an haralangkaw na mga katongdan na itinao saiya kan hade asin an pagigin mas mahalaga niya ki sa ibang mga opisyal.

Mga Talinhaga 25:27

An pag-inom nin dakul na dugos bakong marahay, siring man an paghanap nin sobrang kaomawan.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Juan 12:43

Orog nindang namomotan an pag-omaw kan mga tawo ki sa pag-omaw nin Dios.

Juan 5:41

“Bakong kaomawan nin tawo an hanap ko.

Juan 5:44

Paano kamong magtubod na nagpapaoromaw-omaw kamo asin dai nindo hinahanap an kaomawan na hale sa Dios?

Juan 7:18

An nagtataram sa sadiri niyang kabotan, boot magpaomaw. Alagad an nagmamawot na omawon an nagsugo saiya nagsasabi kan totoo asin bakong putikon.

1 Corinto 11:9

An babae linalang para sa lalaki; an lalaki dai linalang para sa babae.

2 Corinto 13:10

Sinusurat ko ini bago ako magdiyan saindo tanganing kun umabot na ako diyan, dai na kaipuhan na magin maisog pa ako saindo sa paggamit kan awtoridad na itinao nin Kagurangnan sako—awtoridad sa pagpakosog saindo, bakong sa paglaglag.

2 Corinto 4:5

An ipinaghuhulit mi bakong an sadiri mi kundi si Jesu-Cristo bilang Kagurangnan; ipinapahayag mi na kami mga sorogoon nindo dahel ki Jesus.

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Galacia 5:26

Dai kita dapat magpaabaw-abaw o mag-aragyatan o mag-ororihan.

Galacia 6:13

Maski an mga sinerkomsisyon dai nagkukuyog kan Katogonan; boot nindang magpaserkomsisyon kamo tanganing makapaghambog sinda na kamo nagpasakop sa seremonyang ini nin laman.

1 Tesalonica 2:9

Giromdomon nindo, mga tugang, kun gurano an pagtrabaho saka pagmalasakit mi! Nagtrabaho kami aldaw-banggi tanganing dai kami makapagabat saindo mantang naghuhulit kami saindo kan Marahay na Bareta nin Dios.

1 Timoteo 5:17

Dapat bayadan nin doble an mga kamagurangan na marahay an gibo bilang lider, orog na idtong nagtatrabaho nin maigot sa paghulit saka sa pagtukdo.