1 Tesalonica 2:18 - Marahay na Bareta Biblia

¹⁸ Boot ming magbalik saindo. Mala ta dakul na beses na akong nagplano, alagad danay man na inolang ni Satanas.

1 Tesalonica 2:18 ပူးပေါင်းရင်းမြစ်များ

An Libro ni Job 33:14

Huli ta an Dios nagtataram sa saro o sa duwang paagi, maski dai iyan naaabot kan pag-isip nin tawo.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Roma 1:13

Mga tugang, boot kong ipaaram saindo na dakul na beses ko nang pinagmawot na madalaw kamo, alagad sagkod ngunyan dai nalalawos. Boot kong makaani nin mga paratubod diyan saindo, arog kan ginibo ko sa ibang lugar kan mga pagano.

Roma 15:22

Iyan an dahelan kun tadaw ta parati akong naoolang sa pagdalaw saindo.

1 Corinto 16:21

Ako mismo an nagsusurat kan mga tataramon na ini: Ako, si Pablo, nangongomusta saindo.

Filipos 4:16

Kan idtoon ako sa Tesalonica, dakul na beses na pinadarahan ako nindo nin tabang.

Colosas 4:18

Ako mismo an nagsusurat kan mga tataramon na ini: Ako, si Pablo, nangongomusta saindo. Dai nindo paglingawan na ako nasa bilanggoan! Mapasaindo logod an biyaya nin Dios.

2 Tesalonica 3:17

Ako mismo an nagsusurat kan mga tataramon na ini: Ako, si Pablo, nangongomusta saindo. Arog kaini an pirma ko sa gabos kong surat. Arog kaini an pagsurat ko.

Filemon 1:9

alagad huli sa pagkamoot, nakikimaherak ako saimo—ako, si Pablo, na sarong sugo ni Cristo Jesus asin ngunyan nabibilanggo dahel saiya.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.