1 Samuel 9:9 - Marahay na Bareta Biblia

^9-11 “Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)

1 Samuel 9:9 ပူးပေါင်းရင်းမြစ်များ

Genesis 25:22

Kambal an ipinagbabados ni Rebecca asin naggugumulan an mga ini sa saiyang tulak. Nagsabi si Rebecca, “Tano ta nangyayari sako an siring kaini?” Kaya naglakaw siya tanganing hapoton an Kagurangnan.

2 Samuel 24:11

Tinaraman nin Kagurangnan si Gad, an propeta ni David, “Lakaw asin sabihan mo si David na tinatawan ko siya nin tolong pagpipilian. Gigibohon ko an arin man na saiyang pilion.” Sunod na aldaw, pakabangon ni David,

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

1 Mga Cronica 21:9

Dangan nagtaram an Kagurangnan ki Gad na propeta ni David,

1 Mga Cronica 26:28

si Selomit asin an saiyang pamilya iyo an namahala kan gabos na idinolot para gamiton sa Templo, pati an mga regalong dara kan propetang si Samuel, ni Hadeng Saul, ni Abner na aking lalaki ni Ner, saka ni Joab na aking lalaki ni Zeruias.

1 Mga Cronica 29:29

An mga ginibo ni Hadeng David, poon sa kapinonan sagkod sa kataposan, nasusurat sa mga Cronica kan mga propeta na si Samuel, si Natan, asin si Gad.

1 Mga Cronica 9:22

An kabilogan na bilang kan mga lalaking napili na magbantay sa mga trangkahan asin mga pintoan uminabot sa dos syentos dose. Nakatala an saindang mga ngaran sosog sa mga lugar na saindang pinag-erokan. Si Hadeng David asin an propetang si Samuel iyo an nagbugtak kan saindang mga ginikanan sa mahalagang katongdan na ini.

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 16:7

Kan panahon na iyan, nagdalaw an propetang si Hanani ki Asa na hade nin Juda, dangan nagsabi, “Huli ta nagsarig ka sa hade nin Siria asin bakong sa Kagurangnan na saimong Dios, nakadulag saimo an hukbo kan hade nin Siria.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Amos 7:12

Pakatapos, sinabihan ni Amazias si Amos, “Omontok ka na, propeta! Magbalik ka sa Juda asin duman ka magpabayad sa saimong paghuhulit.

1 Corinto 12:17

Huli ta kun an bilog na hawak sarong mata, paano na iyan makadangog? O kun an bilog na hawak sarong talinga, paano na iyan makaparong?

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 18:5

Nagsabi sinda saiya, “Pakihapot man sa Dios kun magigin marahay an lakaw ming ini.”