1 Samuel 9:6 - Marahay na Bareta Biblia

⁶ Nagsimbag an sorogoon, “Halat! Igwa digdi nin sarong banal na lalaki, na ginagalangan huli ta nagkakatotoo an gabos niyang sinasabi. Magduman kita saiya; tibaad ikatukdo niya sato kun saen ta makukua an mga asno.”

1 Samuel 9:6 ပူးပေါင်းရင်းမြစ်များ

Genesis 24:42

“Pag-abot ko sa bubon kasubago, namibi ako, ‘Kagurangnan, Dios nin sakong kagurangnan na si Abraham, tawe ako nin marahay na palad sa gigibohon ko.

2 Samuel 15:27

Sinabihan pa kan hade si Zadok, “Hilinga, magbalik ka sa syudad sa katoninongan; ipag-iba mo an saimong aking lalaki na si Ahimaaz asin si Jonatan na aking lalaki ni Abiatar.

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

2 Mga Hade 5:8

Kan maaraman ini ni propeta Eliseo, nagpasabi siya sa hade, “Tano ta ginisi mo an saimong gubing? Padigdiha siya sako ngunyan tanganing maaraman niya na igwa nin propeta sa Israel!”

2 Mga Hade 6:6

“Saen nahulog?” an hapot ni Eliseo. Itinukdo saiya kan lalaki an lugar; puminutol si Eliseo nin sarong sanga, itinapok ini sa tubig, asin pinalataw an tarom kan patok.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

1 Tesalonica 2:10

Kamo an samong mga saksi, siring man an Dios, na marahay, matanos, asin maninigo an samong gawe saindong mga paratubod.

1 Tesalonica 5:13

Itao nindo sainda an dakulang paggalang asin pagkamoot, dahel kan trabaho ninda. Magiriba-iba kamong matoninong.

1 Timoteo 6:11

Alagad ika na tawong sadiri nin Dios, maglikay ka sa gabos na bagay na ini. Hingowahon mo an katanosan, kabanalan, pagtubod, pagkamoot, pakatagal, asin kahoyoan.

1 Samuel 2:27

Nagduman ki Eli an sarong propeta na may darang mensahe hale sa Kagurangnan asin nagsabi, “Kan an saimong ginikanan na si Aaron asin an saiyang pamilya mga oripon pa kan hade nin Egipto, nagpamidbid ako ki Aaron.

1 Samuel 9:8

Nagsimbag an sorogoon, “Igwa ako digdi nin sadit na pedasong plata. Pwede kong itao ini saiya tanganing ikatukdo niya sato kun saen makukua an mga asno.”