1 Samuel 9:16 - Marahay na Bareta Biblia

¹⁶ “Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”

1 Samuel 9:16 ပူးပေါင်းရင်းမြစ်များ

2 Samuel 3:18

Uya na an saindong oportunidad. Giromdoma nindo na nagtaram an Kagurangnan, ‘Gagamiton ko an sorogoon kong si David tanganing iligtas an sakong banwaan na Israel sa mga Filisteo asin sa iba pa nindang mga kaiwal.’”

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

Salmo 102:1

Dangoga an sakong pamibi, Kagurangnan; an sakong inagrangay makaabot logod saimo!

Salmo 106:44

Alagad hiniling nin Kagurangnan an saindang kasakitan, asin dinangog an saindang inagrangay.

Salmo 25:18

Hilinga an sakong kahaditan asin kasakitan; patawada an gabos kong kasalan.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Jeremias 32:8

Siring kan itinaram nin Kagurangnan, nagduman sako sa patyo si Hanamel, dangan kinaolay ako na bakalon an oma niya. Kaya naaraman ko na totoong nagtaram sako an Kagurangnan.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 14:20

Dangan nakilaban si Saul asin an saiyang mga tawohan sa mga Filisteo, na kan panahon na idto, huli sa dakulang kariribokan, sinda-sinda man sana an nagraralaban.

1 Samuel 14:23

asin nakilaban sagkod sa ibong kan Bet-aven. Kan aldaw na idto, ilinigtas nin Kagurangnan an Israel.

1 Samuel 15:1

Sinabihan ni Samuel si Saul, “Sinugo ako nin Kagurangnan tanganing lahidan ka bilang hade kan saiyang banwaan na Israel. Dangoga an itinataram nin Kagurangnan.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:3

Alokon mo si Jesse sa pagsakripisyo, asin tataraman taka kan gigibohon mo. Lalahidan mo bilang hade an lalaking ngangaranan ko.”