1 Samuel 9:12 - Marahay na Bareta Biblia

^12-13 Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”

1 Samuel 9:12 ပူးပေါင်းရင်းမြစ်များ

Genesis 31:54

Nagbuno siya nin hayop na saiyang idinolot duman sa bukid dangan inapod niya an saiyang mga tawohan tanganing magkakan. Duman na sinda naagahan sa bukid.

1 Mga Cronica 16:39

Alagad an padi na si Zadok asin an mga kapwa niya padi iyo an mamamahala kan pagsamba sa Kagurangnan duman sa lugar na pagsasambahan sa Gibeon.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.

1 Samuel 16:2

“Paano ko magigibo iyan?” an hapot ni Samuel. “Kun mabaretaan iyan ni Saul, gagadanon niya ako!” Nagsimbag an Kagurangnan, “Magdara ka nin ogbon na baka asin sabihon mong yaon ka duman tanganing magdolot nin sakripisyo sa Kagurangnan.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.

1 Samuel 20:6

Kun hanapon ako kan saimong ama, sabihan mo siyang nakimaherak ako saimong tugotan na makapuli sa Betlehem, huli ta igwa duman nin taonan na sakripisyo para sa sakong pamilya.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.