1 Samuel 8:8 - Marahay na Bareta Biblia

⁸ Magpoon kan iluwas ko sinda sa Egipto, nagtalikod na sinda sako asin nagsamba sa mga dios-dios. Ngunyan ginigibo ninda saimo an danay na ginigibo ninda sako.

1 Samuel 8:8 ပူးပေါင်းရင်းမြစ်များ

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Jeremias 34:14

lambang ikapitong taon tatalingkasan ninda an siisay man na Hebreyong oripon na naglingkod sainda sa laog nin anom na taon. Alagad dai nagkuyog an saindong mga ginikanan ni naghinanyog kan sinabi ko sainda.

Ezekiel 2:3

“Aki nin tawo, sinusugo taka sa banwaan nin Israel. Nagtumang sinda saka nagtalikod sako; sagkod ngunyan mga rebelde pa sinda arog kan saindang mga ginikanan.

Mga Bilang 16:41

Sunod na aldaw, nagreklamo an bilog na komunidad ki Moises saka ki Aaron asin nagsabi sinda, “Ginadan nindo an nagkapirang tawo kan banwaan nin Kagurangnan.”

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Hukom 13:1

Nagkasala na naman sa Kagurangnan an mga Israelita kaya tinugotan nin Kagurangnan na sakopon sinda kan mga Filisteo sa laog nin kwarentang taon.

Hukom 2:20

Dangan naanggot an Kagurangnan sa Israel asin nagtaram, “Dai inotob kan nasyon na ini an tipan na ipinagboot ko sa saindang mga ginikanan. Huli ta dai sinda nagsunod sako,

Hukom 4:1

Pakagadan ni Ehud, an banwaan nin Israel nagkasala na naman sa Kagurangnan.

Hukom 6:1

Nagkasala na naman sa Kagurangnan an banwaan nin Israel, kaya ipinasakop niya sinda sa mga Midianita sa laog nin pitong taon.

1 Samuel 8:7

Nagtaram saiya an Kagurangnan, “Dangoga an gabos na sinasabi saimo kan mga tawo, huli ta bakong ika an saindang hinaboan; ako an hinaboan ninda bilang saindang hade.

1 Samuel 8:9

Kaya dangoga sinda, alagad patanidan mo nanggad sinda asin paliwanagan kun ano an gigibohon sainda kan saindang hade.”