1 Samuel 7:8 - Marahay na Bareta Biblia

⁸ Nagsarabi sinda ki Samuel, “Dai ka mag-ontok sa pag-agrangay sa Kagurangnan na satong Dios para sa samo, tanganing iligtas niya kita sa kamot kan mga Filisteo.”

1 Samuel 7:8 ပူးပေါင်းရင်းမြစ်များ

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Jeremias 27:18

Kun totoong mga propeta sinda saka yaon sainda an sakong mensahe, pabayae sindang makiolay sako, an Kagurangnan nin mga hukbo, na dai ko itugot na darahon sa Babilonia an mga kayamanan na nawalat sa Templo saka sa palasyo kan hade.” (

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.