1 Samuel 7:17 - Marahay na Bareta Biblia

¹⁷ Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.

1 Samuel 7:17 ပူးပေါင်းရင်းမြစ်များ

Genesis 33:20

Nagpatindog siya nin altar duman asin nginaranan niyang El-Elohe-Israel.

Genesis 35:7

Itinugdok niya duman an sarong altar asin an lugar nginaranan niyang El-Betel, huli ta duman nagpahiling saiya an Dios kan nagdulag siya sa saiyang tugang.

Isaias 10:29

Nakalampas na sinda sa hayakpit na dalan asin sa Geba sinda nagpapalihis nin banggi! Nagkakatarakot an mga tawo sa banwaan nin Rama; nagdurulag na an mga tawo sa banwaan ni Hadeng Saul na iyo an Gibea.

Hukom 4:5

Nakaugalean na ni Debora an pagtukaw sa lindong nin sarong palma, sa pagultanan kan Rama asin Betel sa mabulod na daga nin Efraim. Dinadalaw siya kan mga Israelita huli sa saiyang mga hatol.

Hukom 6:24

Pakatapos kaini, nagtugdok nin altar si Gideon para sa Kagurangnan asin nginaranan niyang, “An Kagurangnan iyo an katoninongan.” (Sagkod ngunyan nagtitindog pa ini duman sa Ofra na sadiri kan pamilya ni Abiezer.)

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 1:19

Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.

1 Samuel 11:15

Kaya nagduruman sinda gabos sa Gilgal, asin duman sa banal na lugar, saindang ipinahayag si Saul bilang hade. Nag-atang sinda duman nin dolot para sa katoninongan asin nag-orogma nin marahay si Saul saka an gabos na Israelita.

1 Samuel 14:35

Nagtugdok nin altar si Saul para sa Kagurangnan; iyo idto an enot na altar na saiyang ginibo.

1 Samuel 15:34

Dangan nagpasiring sa Rama si Samuel, asin nagpuli man sa Gibea si Saul.

1 Samuel 2:11

Dangan nagpuli si Elkana sa saiyang harong sa Rama, alagad nawalat an aking si Samuel sa Shilo asin naglingkod sa Kagurangnan sa pamamahala kan pading si Eli.

1 Samuel 28:3

Gadan na kaidto si Samuel, asin nagmondo an gabos na Israelita para saiya; ilinubong siya ninda sa Rama na sadiri niyang banwa. Pinahale na kaidto ni Saul sa Israel an gabos na espiritista asin parahula.

1 Samuel 8:4

Dangan nagtiripon an kamagurangan nin Israel, nagduruman ki Samuel sa Rama,

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”