1 Samuel 7:12 - Marahay na Bareta Biblia

¹² Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”

1 Samuel 7:12 ပူးပေါင်းရင်းမြစ်များ

Genesis 22:14

Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”

Genesis 35:14

Sa lugar na idto, saen nagtaram saiya an Dios, nagpatindog si Jacob nin hariging giromdoman na an ibabaw inulaan niya nin arak saka lana nin oliba.

Salmo 71:17

O Dios, poon kan ako aki pa tinukdoan mo na ako, asin padagos na ipagbabantog ko an makangangalas mong mga gibo.

Salmo 71:6

Sa saimo ako nagsandig poon kan sakong pagkamundag; sinurog mo poon sa tulak nin sakong ina. Ika danay kong oomawon.

Exodo 17:15

Nagpatindog nin altar si Moises asin inapod niya ining “An Kagurangnan iyo an sakong Bandera.”

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Mga Gibo 26:22

Alagad sagkod sa aldaw na ini tinabangan ako nin Dios, kaya uya ako digdi nagpapatotoo sa gabos na tawo—sadit man o dakula. Mayo ako nin ibang sinasabi kundi an mga sinabi kan mga propeta saka ni Moises na mangyayari:

2 Corinto 1:10

Ilinigtas niya kami sa makuring pag-alaman asin ililigtas pa niya kami; siya an pinaglalaoman ming magliligtas samo giraray.

Josue 4:9

Nagpatindog man si Josue nin doseng gapo sa tahaw kan Jordan, sa tinindogan kan mga padi na nagdadara kan Kaban nin Tipan. (Sagkod ngunyan yaon pa duman an mga gapong idto.)

1 Samuel 14:35

Nagtugdok nin altar si Saul para sa Kagurangnan; iyo idto an enot na altar na saiyang ginibo.

1 Samuel 4:1

Kan panahon na iyan nagtiripon an mga Filisteo tanganing makigera sa Israel, kaya nagluwas an mga Israelita tanganing labanan sinda. Nagkampo an mga Israelita sa Ebenezer mantang an mga Filisteo nagkampo sa Afek.

1 Samuel 5:1

Kan mabihag kan mga Filisteo an Kaban nin Tipan, dinara ninda ini sa syudad nin Asdod hale sa Ebenezer.

1 Samuel 7:11

Hale sa Mizpa, rinalamag kan mga Israelita an mga Filisteo asin ginaradan sa dalan sagkod sa Bet-car.