1 Samuel 6:9 - Marahay na Bareta Biblia

⁹ Bantayan nindo; kun magpasiring an kariton sa banwaan nin Bet-semes, an dios nin Israel iyo an nagpadara sato kan makangirhat na pesteng ini; alagad kun dai, bako siya an nagpadara kundi nagkanorongod sana.”

1 Samuel 6:9 ပူးပေါင်းရင်းမြစ်များ

2 Samuel 1:6

Nagsimbag an lalaki, “Nangyari na yaon ako duman kaidto sa itaas kan Bukid nin Gilboa; nahiling ko si Saul na nakasandig sa saiyang garod asin napapalibotan na siya kan mga karwahe saka mga nakakabayong kaiwal.

1 Mga Hade 4:9

Ben-deker: an mga syudad nin Makaz, Saalbim, Bet-semes, Elon, asin Bet-hanan

2 Mga Cronica 25:21

Kaya naghampangan sa gera si Hadeng Jehoas nin Israel asin si Hadeng Amazias nin Juda. Duman sinda nagsabatan sa Bet-semes sa Juda.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Lukas 10:31

Natagbo na may nag-aging padi sa dalan na idto. Alagad kan mahiling niya an lalaki, liniklikan niya ini.

Josue 15:10

saen minalibot pasolnopan kan Baala pasiring sa mabulod na daga nin Edom, minaagi sa amihan na parte kan Bukid nin Jearim (o Kesalon), dangan minababa pasiring sa Bet-semes, asin minalampas sa Timna.

Josue 21:16

Ain, Jutta, asin Bet-semes, kaiba an mga dagang pasabsaban: siyam na syudad gabos hale sa mga tribu ni Juda saka ni Simeon.

1 Samuel 6:10

Ginibo ninda an sinabi sainda: nagkua sinda nin duwang baka dangan iginakod an mga ini sa kariton, asin ikinulong ninda sa toril an mga ogbon.

1 Samuel 6:12

Deretsong naglakaw an mga baka sa dalan na pasiring sa Bet-semes, nag-uungal mantang naglalakaw. Nagsunod sa kariton an limang hade kan mga Filisteo sagkod sa pagdolonan kan Bet-semes.

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”