1 Samuel 6:4 - Marahay na Bareta Biblia

⁴ “Anong regalo an ipapadara mi saiya?” an hapot kan mga tawo. Nagsimbag sinda, “Limang bulawan na pormang tumor asin limang bulawan na pormang kino; saro para sa lambang hade kan mga Filisteo, huli ta parehong padusa an ipinadara saindo asin sa limang hade.

1 Samuel 6:4 ပူးပေါင်းရင်းမြစ်များ

Exodo 12:35

Ginibo man kan mga Israelita an isinabi sainda ni Moises; an mga Egipcio hinagadan ninda nin mga alahas na bulawan saka plata asin mga gubing.

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.

1 Samuel 5:12

Maski idtong dai nagkagaradan nagkaigwa nin mga tumor, kaya nag-agrangay an mga tawo sa saindang mga dios.

1 Samuel 5:6

Pinadusahan nin Kagurangnan an mga taga Asdod asin an mga nag-eerok sa kataraed na lugar; tinakot niya sinda sa paagi nin mga tumor.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.

1 Samuel 6:8

Ibugtak nindo sa kariton an Kaban nin Tipan nin Kagurangnan; ibugtak nindo sa kataed kaini an kahon na linaogan kan pormang mga tumor asin mga kino na ipapadara nindo saiya bilang regalo tanganing tuboson an saindong mga kasalan. Dangan palargahon na nindo an kariton asin pabayaan sana nindo.