1 Samuel 6:3 - Marahay na Bareta Biblia

³ Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”

1 Samuel 6:3 ပူးပေါင်းရင်းမြစ်များ

An Libro ni Job 10:2

Dai mo ako pagkondenaron, O Dios. Sabihi ako! Anong kaso an isinasangat mo laban sako.

Exodo 23:15

Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Exodo 34:20

Tutuboson nindo nin lalaking karnero an lambang matuang asno. Kun dai nindo tutuboson, babarion nindo an liog kaiyan. Balukaton nindo an lambang matuang aking lalaki. “Mayo nin magdolok sako na daing darang dolot.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 6:6

Dadarahon niya sa padi an sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.

1 Samuel 5:7

Kan mahiling kan mga tawo an nangyayari, nagsarabi sinda, “Pinapadusahan kita asin an satong dios na si Dagon kan Dios nin Israel. Dai ta pwedeng padanayon digdi an Kaban nin Tipan.”

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.

1 Samuel 6:8

Ibugtak nindo sa kariton an Kaban nin Tipan nin Kagurangnan; ibugtak nindo sa kataed kaini an kahon na linaogan kan pormang mga tumor asin mga kino na ipapadara nindo saiya bilang regalo tanganing tuboson an saindong mga kasalan. Dangan palargahon na nindo an kariton asin pabayaan sana nindo.

1 Samuel 6:9

Bantayan nindo; kun magpasiring an kariton sa banwaan nin Bet-semes, an dios nin Israel iyo an nagpadara sato kan makangirhat na pesteng ini; alagad kun dai, bako siya an nagpadara kundi nagkanorongod sana.”