1 Samuel 6:17 - Marahay na Bareta Biblia

¹⁷ Nagpadara sa Kagurangnan an mga Filisteo kan limang bulawan na pormang mga tumor bilang regalo tanganing bayadan an saindang kasalan; an limang ini para sa limang syudad kan Asdod, Gaza, Askelon, Gat, asin Ekron.

1 Samuel 6:17 ပူးပေါင်းရင်းမြစ်များ

2 Samuel 1:20

Dai nindo ini ipagbuyagyag sa Gat o sa mga dalan nin Askelon; tibaad mag-orogma an mga aking babae kan mga Filisteo, tibaad mag-orogma an mga aking babae kan mga pagano.

2 Samuel 21:22

An apat na higanteng ini, na ginaradan ni David saka kan saiyang mga tawohan, gabos gikan sa mga higante sa Gat.

2 Mga Hade 1:2

Nahulog si Hadeng Ahazias hale sa balkon kan atop kan saiyang palasyo sa Samaria asin naghelang siya. Kaya nagpadara siya nin mga sugo tanganing maghapot ki Baal-zebub, an dios nin Ekron, kun mararahay pa siya.

2 Mga Cronica 26:6

Nakigera si Uzzias sa mga Filisteo. Rinumpag niya an mga kudal kan mga syudad nin Gat, Jamnia saka Asdod, dangan nagtugdok siya nin mga pusog na syudad harani sa Asdod asin maski saen sa daga kan mga Filisteo.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Amos 1:6

Nagtataram an Kagurangnan, “Paulit-ulit na nagkasala an mga taga Gaza, asin huli kaiyan, papadusahan ko sinda. Dinara ninda an sarong bilog na nasyon dangan ipinabakal bilang mga oripon sa mga taga Edom.

Amos 6:2

Lakaw kamo asin hilinga nindo an syudad nin Calne, dangan magdagos kamo sa dakulang syudad nin Hamat saka lumugsot kamo pasiring sa Filistiong syudad nin Gat. Mas marahay daw an mga ini ki sa mga kahadean nin Juda saka Israel? Mas dakula daw an saindang teritoryo ki sa teritoryo nindo?

Deuteronomio 28:27

An Kagurangnan mapadara saindo nin mga pigsa arog kan ipinadara niya sa mga Egipcio. An saindong kublit mapapano nin mga gatok asin duldul na sobra an gatol, asin dai kamo mararahay.

Hukom 1:18

Tinabangan nin Kagurangnan an tribu ni Juda, asin nasakop kaini an mabulod na daga. Alagad dai ninda nasakop an Gaza, an Askelon, asin an Ekron, kaiba an mga kataraed na lugar. An mga tawong nag-eerok sa may baybayon igwa nin mga karwaheng lansang, kaya dai sinda napahale kan tribu ni Juda.

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

Hukom 16:1

Sarong aldaw, nagduman si Samson sa Gaza, sarong syudad kan mga Filisteo. Nakahiling siya duman nin sarong maraot na babae asin dinorogan niya.

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.

1 Samuel 5:1

Kan mabihag kan mga Filisteo an Kaban nin Tipan, dinara ninda ini sa syudad nin Asdod hale sa Ebenezer.

1 Samuel 5:10

Kaya an Kaban nin Tipan ipinadara ninda sa Ekron, saro pang syudad kan mga Filisteo; alagad pag-abot duman, nagsarabi an mga taga Ekron, “Dinara ninda digdi an Kaban kan Dios nin Israel tanganing magkagaradan kita gabos!”

1 Samuel 5:8

Kaya pinasugoan ninda asin tinipon an limang hade kan mga Filisteo dangan hinapot an mga ini, “Ano an gigibohon mi sa Kaban nin Tipan kan Dios nin Israel?” Nagsimbag sinda, “Daraha nindo sa Gat.” Kaya an Kaban nin Tipan dinara ninda sa Gat, saro pang syudad kan mga Filisteo.

1 Samuel 6:4

“Anong regalo an ipapadara mi saiya?” an hapot kan mga tawo. Nagsimbag sinda, “Limang bulawan na pormang tumor asin limang bulawan na pormang kino; saro para sa lambang hade kan mga Filisteo, huli ta parehong padusa an ipinadara saindo asin sa limang hade.