1 Samuel 6:16 - Marahay na Bareta Biblia

¹⁶ An limang hadeng Filisteo nagmasid kan ginigibo ninda ini dangan nagbalik sinda sa Ekron kan aldaw na idto.

1 Samuel 6:16 ပူးပေါင်းရင်းမြစ်များ

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Hukom 16:5

Dinuman si Delila kan limang hade kan mga Filisteo asin sinabihan, “Dagkahon mo si Samson na sabihan ka kun ano an nagpapakosog saiya, asin aramon mo kun paano ta siya madadaog tanganing magapos ta siya asin dai na makalaban. Kun magibo mo iyan, an lambang saro samo matao saimo nin mil syen na pedaso nin plata.”

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.

1 Samuel 5:10

Kaya an Kaban nin Tipan ipinadara ninda sa Ekron, saro pang syudad kan mga Filisteo; alagad pag-abot duman, nagsarabi an mga taga Ekron, “Dinara ninda digdi an Kaban kan Dios nin Israel tanganing magkagaradan kita gabos!”

1 Samuel 6:12

Deretsong naglakaw an mga baka sa dalan na pasiring sa Bet-semes, nag-uungal mantang naglalakaw. Nagsunod sa kariton an limang hade kan mga Filisteo sagkod sa pagdolonan kan Bet-semes.

1 Samuel 6:4

“Anong regalo an ipapadara mi saiya?” an hapot kan mga tawo. Nagsimbag sinda, “Limang bulawan na pormang tumor asin limang bulawan na pormang kino; saro para sa lambang hade kan mga Filisteo, huli ta parehong padusa an ipinadara saindo asin sa limang hade.