1 Samuel 5:7 - Marahay na Bareta Biblia

⁷ Kan mahiling kan mga tawo an nangyayari, nagsarabi sinda, “Pinapadusahan kita asin an satong dios na si Dagon kan Dios nin Israel. Dai ta pwedeng padanayon digdi an Kaban nin Tipan.”

1 Samuel 5:7 ပူးပေါင်းရင်းမြစ်များ

2 Samuel 6:9

Dangan natakot si David sa Kagurangnan asin nagsabi, “Paano ko na madadara ngunyan an Kaban nin Tipan?”

1 Mga Cronica 15:13

Huli ta bako kamo an nagdara kaiyan kan enot, pinadusahan kita nin Kagurangnan na satong Dios dahelan ta dai nyato iyan inataman sa paagi na saiyang ipinagboot.”

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Exodo 12:33

Pinapaghidali kan mga Egipcio an mga Israelita sa saindang paghale sa Egipto. Olay ninda, “Magagadan kami gabos kun dai pa kamo maghale digdi.”

Exodo 8:28

Nagsabi an hade, “Tutugotan ko kamong mag-atang sa Kagurangnan na saindong Dios duman sa kalangtadan, bastang dai kamo magrayo. Ipamibi mo ako.”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Exodo 9:28

Mamibi kamo sa Kagurangnan huli ta dai mi na matitios ining pagdaguldol asin pag-uran nin yelo. Nanunuga ako na papahaleon ko na kamo; asin dai na kamo maghahaloy digdi.”

Jeremias 46:25

Nagsasabi an Kagurangnan nin mga hukbo, an Dios nin Israel, “Papadusahan ko si Amon, an dios-dios nin Tebes, kaiba an Egipto asin an mga dios-dios saka an mga hade kaini. Kukuahon ko an hade nin Egipto asin an gabos na nananarig sa saiya,

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

1 Samuel 4:8

Siisay an maligtas sato sa kapangyarihan kan mga makokosog na dios na iyan? Iyo iyan an mga dios na guminadan kan mga Egipcio duman sa kalangtadan!

1 Samuel 5:6

Pinadusahan nin Kagurangnan an mga taga Asdod asin an mga nag-eerok sa kataraed na lugar; tinakot niya sinda sa paagi nin mga tumor.

1 Samuel 5:8

Kaya pinasugoan ninda asin tinipon an limang hade kan mga Filisteo dangan hinapot an mga ini, “Ano an gigibohon mi sa Kaban nin Tipan kan Dios nin Israel?” Nagsimbag sinda, “Daraha nindo sa Gat.” Kaya an Kaban nin Tipan dinara ninda sa Gat, saro pang syudad kan mga Filisteo.

1 Samuel 6:20

Kaya nagsarabi an mga taga Bet-semes, “Siisay an makakatindog sa atubangan nin Kagurangnan, ining banal na Dios? Saen ta siya pwedeng ipadara tanganing magin harayo sato?”